Aadhar Card aaj ke time me Indian Citizens ke bahut hi jaruri Document ban gaya hai. Agar aap apne aadhar card me address change karwana chahte hain aur aapke paas koi address proof ka document nahi hai to tension lene ki jarurat nahi hai. Yanha aap janenge without address proof aadhar me address kaise change karein?

Without Address Proof Aadhar Me Address Kaise Change Karein?

Without Address Proof Aadhar Me Address Kaise Change Karein

Ab Unique Identification Authority of India (UIDAI) ne aadhar card me address change karwane ke process ko online bahut hi easy kar diya hai. Address ko online update karne ki naie service ke tehat UIDAI ne aadhar holders ko apne family ke members ka address use karke apne address me change karne ke liye validation letter prapt karne anumati di hai.

Aadhar ke address ko address verifier ki sehmati se update kiya ja sakta hai, Jo ek family member, Relative ya Makaan Maalik bhi ho sakte hain. Jinke address ko aap as a address proof use kar sakte hain.

Request for Address Validation Letter

Ab aapke man me ye sawaal aa raha hoga ki ye aadhar validation letter ke liye kaise request dena hai? Aur kaise ye aapke ghar tak aayega? To aaiye iske baare me bhi aapko batate hain.

Address Validation Letter Kya Hai? 

Address Validation letter wo letter hota hai, Jo address verifier ke address par bheja jaata hai. Ish letter me ek secret code hota hai jo anurodh nivasi ke dwaara address verifier ke paas bheja jaata hai. Validation letter ke anurodh karne ke baad 30 dino ke andar ye letter address verifier ke paas aata hai.

Letter UIDAI se India post ke dwaara bheja jaata hai. Aur aapko SMS ke jariye AWB tracking number bhej di jaati hai, Jiska status aap india post par track kar sakte hain.

Note:- Yanha main aapko ek jaankari bata dun Ek address verifier ek saal me 5 logon ke hi address ko verify kar sakte hain.

Aadhar Verification Letter ke liye Online Request Kaise Generate Karein? 

Yanha tak to aap samjh gaye honge aadhar verification kaise kaam karta hai. Ab aaiye aapko batate hai ki ghar baithe Online Aadhar Verification letter ke kaise avedan karte hain.

Ab sabse pehle aapko aadhar ki official website pe aana hai. Yanha se Aadhar Self Service ke link par karna hai.

Ab Maan lete hain Delhi ke niwasi hain aur aapki job Banglore me lagi hai. To Link pe click karne ke baad aapko apna 12 digit ka aadhar number ya 16 digit ki virtual ID daalni hai.

AADHAR VIRTUAL ID KYA HAI?

AADHAR VIRTUAL ID ONLINE KAISE GENERATE KAISE KAREIN?

 

Ab Verifier ka address enter karna hai. Yani Banglore me aap janha bhi aap apne relative ya Makaan malik ke paas rehte hain unka address daal dijiye. Ab jo aapke address verifier hain unke aadhar registered mobile par (Service Request Number) SRN aa jayega.

Ab jo aapke address verifier hain unke mobile par ek link aur OTP bheja jaata hai. Unko ish link par click karke wo OTP enter karna hai.

Ye step pura hote hi aapke yani resident ke paas confirmation message aa jayega. Yani aapke address change ka request successfully update ho gaya.

Ab aap SRN number daalkar address ka preview dekh sakte hai. Aadhar SRN check karne ke liye Check Update Status par jaayein. Aur fir aap apna aadhar print karwa sakte hain.

Ye Bhi Padhein

LINK AADHAAR CARD WITH PAN CARD- आधार को पैन कार्ड से कैसे लिंक करें

AADHAR BIOMETRIC LOCK ONLINE :- AADHAR KI BIOMETRIC DATA KO LOCK/UNLOCK KAREIN

Mujhe ummid hai ki ye post padh kar aap Ghar baithe Online Without Address Proof Aadhar Me Address change kar sakte hain.

Ye ek bahut accha tarika hai, Aise log jo ghar se dur padhai, Job ya business ke liye reh rahe hain unka bahut aasani se  aadhar me address update kiya jaa sakega.

Post ko padhne ke liye dhanyawaad! Post ko share kijye.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.