Aaj ke time me whatsapp bahut hi popular private messenger app hai. Aaj whatsapp ke jariye aap apne friends, Family ya office ke logo se connect rehte hain. To aise me privacy ek eham mudda hai. Isiliye hum yanha aapko batyenge whatsapp fingerprint lock kaise enable karein?

Aap apne personal chat ya conversation ko hide karne ke liye, aap third party app ka use karte hain. Play store me aapko aise kai third party Applock mil jayenge. Unme se koi bhi thik kaam nahi karta ya unhe aasani se bypass kiya jaa sakta hai.

Aur kanhi na kanhi aapko bhi aisa lagta hoga. Ki aaj whatsapp me humari sabhi personal chats ya media files hotey hain to isme ek pin ya fingerprint ke saath lock karne ka option hona chahiye.

Toh aap bhi maante hain wahtsapp me applock feature ki jarurat hai. Aur aapki problem solve ho rahi hai inhone Whatsapp Beta 2.19.222 me fingerprint lock ki suvidha ko jod diya hai.

Ab aap whatsapp par fingerprint lock set kar sakte hain aur time ko bhi set kar sakte hain. Kehne ka matlab jab whatsapp background me hota hai ya phone lock ho jaata hai to aapke choose kiye huye time pe whatsapp lock ho jayega.

Aur isey unlock karne ke liye aap fingerprint Sensor ko touch kar sakte hain.

Ish Post aap dekhenge ki kaise aap kisi bhi third party app lock install kiye bina whatsapp ke liye fingerprint lock laga sakte hain.

Whatsapp Fingerprint Lock Kaise Enable Karein?

Finger print ki suvidha Kewal Android Marshmallow ya issey upar version wale device par available hain.

Iske alawa present time me, Fingerprint Lock ki suvidha Whatsapp Beta Users (v2.19.222) ke liye jaari ki gai hai. Isliye yadi aap ek beta user hain to apne app ko new version me update kar lein.

Yadi aap beta user nahi hai, to aap yanha beta tester ban sakte hain aur fir whatsapp ko new version me update kar sakte hain. Warna jab tak whatsapp ye features sabhi users ke liye jaari nahi karta tab tak aapko thoda wait karna hoga.

Whatsapp  Beta Tester Banein

Agar aapne whatsapp update kar liya to in steps ko follow karein.

WhatsApp Open karein aur  Settings> Account> Privacy par jayein.

Ab privacy settings ke tehat, “Fingerprint Lock” ke option par tap karein.

Yadi aapne phone me fingerprint lock pehle se enable kiya hua hai to bus yanha aapko usko verify karna hoga.

Note: Ye yaad rakhein ki Phone ko unlock karne ke liye jo fingerprint aapne add kiya hai aapka whatsapp bhi usi se unlock hoga. Matlab dono ke liye fingerprint ek hi hoga.

Ab aap isme set kar sakte hain ki jab whatsapp background me ho to kitne der me automatically lock ho jaaye iske liye aap 1 minute se lekar 30 minute ke baad ka lock set kar sakte hain.

Iske alawa aap chahein to whatsapp ke notification ko show karwa sakte hain ya usko hide kar sakte hain.

Whatsapp batata hai ki fingerprint authentication android IP ke maadhyam se kiya jaata hai. Isliye wo kisi bhi biometric data ko store nahi karte. Jo safety ke lihaj se behtaar hai.

Conclusion:-

Ye suvidha kai logon ke liye bahut useful hai, Lekin abhi tak fingerprint biometric lock hi ek maatra tarika hai jo whatsapp ka samarthan karta hai, Koi face unlock ya pin/ password ko add nahi kar sakte.

Ye un logo ke liye samsya hai jo bina fingerprint wale entry level smartphone ka use karte hain.

Mujhe ummid hai ye post aapke liye helpful hogi, Agar aisa hai to post ko jarur share kijiye. Jissey dusron ko bhi help mil sake. Aur technology ke new updates ke liye humse jude rahein dhanyawaad.

1 COMMENT

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.