Voter ID Card Me Photo Name Aur Address Kaise Correct Karein?

Voter ID Card Me Photo Name Aur Address Kaise Correct Karein?

Voter ID Card Me Apna Photo Kaise Change Karein?

Voter ID Card ko ek photo identity card yani (EPIC) Ya ek Voter Card ke taur par dekh sakte hain. Ish card ke jariye aap matdaan kar sakte hain, aur ye aapki naagrikta ki pehchaan patra ke taur par bhi dekha jaata hai. Agar aap bharat me rehte hain, aur aapki age 18 varsh ya ussey adhik hai to bahut aasani se election commission ke paas jaakar voter id ke nirmaan ke liye avedan kar sakte hain.

Apne aavedan ke baad jab aapko aapka voter id card mil jaata hai, lekin ab yanha aapko lagta hai ki kisi karan se ish card par aapki Photo, Naam aur address aadi wrong mention hua hai to aap isey badal sakte hain. Waise kai logo ko lagta hai ki ye kaafi mushkil kaam hai to hum aapko bata dein ki ye aap bahut aasani ke saath kar sakte hain. Apne voter id me kisi bhi trah ke correction ko kar sakte hain. Aap me se kai logon ko ye ek paresaani ka kaam lagta hoga, par ish post me aap janenge ki apne voter id card me online correction kaise kar sakte hain?

Voter ID Card Me Photo Name Aur Address Kaise Correct Karein?

1. Iske liye aapko sabse pehle http://www.nvsp.in/. par jaana hoga, Ye india me National Voters ki official website hai.
2. Yanha aapko ‘Correction of entries in the electoral roll’ par jaana hoga.
3. Click karne ke baad aap dekhenge ki correction ke form 8 open ho jaata hai, agar aisa nahi hota hai to aap form 8 par click karke isko open kar sakte hain.

4.  Ab yanha aapko apne state, assembly ya parliament constituency ka chunaav karna hoga.

5.  Jo Bhi chijein yanha aapko voter id card related maangi gai hai usko fill karna hoga.
6. Iske baad aapko apne Electoral Roll ke serial number aur part number ko fill karna hoga.
7.  Haalanki aapse photo identity card number ke baare me bhi pucha jaa sakta hai.
8. Ab Photograph Option par click karein.
9.  Ab yanha aapko apne personal details jaise aapka naam, address aur voter id number fill karna hoga, Iske alawa aapko apni date of birth bhi fill karni hogi, saath yanha aapke parents ki details ke saath jeevansaathi ke baare me bhi pucha jaata hai.
10.  Ab aapko apna gender select karna hai.
11.  Ab aapko kuch aise documents upload karne honge jo aapse maange jaate hain. Aap yanha unhe upload kar sakte hain.
12.  Iske alaawa ab aapse aapki Email Id, Phone Number, Place aur Date bhi fill karne ke liye kaha jaaata hai.
13.  Ab finally aapko submit karna hoga.

14. Jaise hi aap ish details ko update karte hain ya yun kahein ish form ko fill karte hain aapko ek confirmation message mil jaata hai.
15. Iske baad approx 30 days ke andar voder id card se photo ko change kar diya jaata hai.

Apne Voter ID Card Me Aise Change Karein Apna Address.

 

Voter ID Card Me online address change ke sabse pehle aapko http://www.nvsp.in par click karke voters ke liye available official website par login kar lein. Aapko pehle ki trah hi sabhi process ko pura karna hai.

Yanha aap apne hissab se correction ke liye chunaav kar sakte hai. Photograph, Age, Gender, Address jo bhi wrong mention hai usko aap tick kar dein. Address change ya correction ke case me form fill karne ke baad aapko form me apna naam, address, state fill karein aur new address ka koi aisa document upload karein, jispar aapka current address mention ho. Aap aadhar Card , Bank Passbook ya koi official document upload kar skate hain.

Form fill karke Document upload karne ke baad form ko online submit kar dein. Iske baad aapko ek reference number mil jaata ha, jiski help se aap application ko track kar sakte hain.

Application submit hone ke baad election officers ke dwaara iska verification kiya jayega. Verification complete hone ke baad aapko new address ke saath voter id card mil jayega.

Online ke alaawa aap apne voter id card ka address bahut aasani se badal sakte hain. Iske liye aapko apne nirvachan area ke chunaav adhikari ko current address ke saath application form submit karna hoga. Fir verification ke baad aapke sabhi details ke saath aapka naam purane nirvachan area chunavi suchi se naye me transfer kar diya jayega.

Ye Bhi Padhein.

Aadhar Authentication Ki History Kaise Check Karein

Kisi Bhi WebPage Ko PDF Me Kaise Save Karein

Ish trah se aap ghar baithe Voter Id Card apna name, address, date of birth ya kai trah ke correction ghar baithe online kar sakte hain. Post ko share kijiye taaki dusron ki bhi help ho sake dhanyawaad.

2 thoughts on “Voter ID Card Me Photo Name Aur Address Kaise Correct Karein?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.