Kya Aapka aadhar Card gum ho gaya hai, Ya aapko apna aadhar dubara nikalwane me pareshaani ho rahi hai, To ab aap ghar baithe Online Aadhar card reprint ke liye order kar sakte hain.

Aadhar card reprint karwane ki kai wajah ho sakti hai, ho sakta hai aapka aadhar card kho gaya ho uski koi dusri copy aapke paas na ho, ya aapke aadhar me mobile number link na ho aise me kai baar hume aadhar dubara nikalwane me problem hoti hai.

Wajah jo bhi ab aap ghar baithe Online Aadhar Card Reprint Ke Liye Order kar sakte hain wo bhi UIDIA ( Unique Identification Authority of India ) ki official website se. To aaiye jaante hain Aadhar Reprint ka process aapko batate hain.

Order Aadhaar Reprint

Aadhar Reprint ek paid service hai. Agar aapka aadhar loss ho gaya hai to maatra 50Rs ki fees pay karke jisme GST aur speed post ke include hotey hain, aap order kar sakte hain. Aap payment ke liye debit card, net banking ya UPI  ka use kar sakte hain.

Aadhar Reprint ke liye aapko UIDAI ki official website par jaana hoga.

Yanha aapko apna aadhar number ya virtual Id daalni hai. Iske baad aapko apna mobile number daalna hai. Agar aapka mobile registered nahi hai to bhi koi baat nahi hai aap apna current number daal sakte hain ya apne kisi family member ka number de sakte hain. Aapko bus my mobile is not registered par tick karna hoga.  Main recommend karunga aap apna mobile number hi dein.

iske baad captcha code daalkar send OTP par click karna hai. Aapke number par OTP aa jayega.

Ab aapko OTP daalkar term and condition Box ko check karna hoga. Fir submit kr dijiye. Ab aapko aadhar copy ki preview show hogi. Aur payment karne ka option bhi aa jayega.

Make payment par click karte hi payubiz ka payment gateway open ho jayega. Ab aap credit card, Debit card, UPI ya net banking ke through 50Rs payment karna hai.

Aadhar reprint order ke baad 5 working days aapka aadhar UIDAI se dispatch kar diya jaata hai. New aadhar ki copy aapke aadhar pe jo address wanhi bheja jayega. Agar aapka address change ho gaya hai to sabse pehle aap address change karwa lein fir aadhar reprint ke liye order karein.

WITHOUT ADDRESS PROOF AADHAR ME ADDRESS KAISE CHANGE KAREIN?

Aadhar dispatch hotey hi aapko AWB no bheja diya jisko aap india post ki site pe jaakar apne aadhar copy ko track kar sakte hain.

Ye Bhi Padhein.

AADHAR VIRTUAL ID ONLINE KAISE GENERATE KAISE KAREIN?

AADHAR NUMBER KO MOBILE SE IVR KE JARIYE LINK KAREIN

AADHAR VIRTUAL ID KYA HAI?

Mujhe ummid hai ye post padhkar aap ab ghar baithe bhi aadhar reprint ke liye online order kar payenge. Agar aapko koi problem aati hai to hume comment me jarur batayein. Saath hi post ko share kijiye jissey dusron ki bhi help ho sake dhanyawaad.

 

 

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.