One Nation One Card Scheme Kya Hai?

7
49
One Nation One Card Scheme Kya Hai

Jaldi hi desh ke ek kone se dusre kone ka safar mahaj ek card se kar sakenge. Iske liye modi sarkar “EK DESH EK CARD” ( One Nation One Card )niti layegi. Ish card se aap na sirf apne state me travel kar payenge, balki desh ke kisi bhi kone me public transport service ka use karke pahunch sakenge.

Niti Aayog ke CEO Ambitabh Kant ne bataya ki jald hi desh me “One Nation One Card” niti layegi. Future Mobility Summit me bolte huye unhone ye jaankari di. Yanha unhone kaha ki bina kisi rukawat ke chalne wali transport vyavstha kisi desh ke liye eham hoti hai.

Amitabh Kant ne bataya ki pariwahan niti ka focus public transport ka permanent solution nikalna hai. Iske saath hi ye samadahan planning aur digitization ko behtar banane ke aadhar par hoga.

Unhone kaha, “Yojna ye hai ki sirf transports par focus nahi kiya jayega, balki naagrik ko sabse pehle rakha jayega. Unhe pariwahan ke behtar vikalp muhaiya kar pariwahan ke pradushan rahit madhyamo ko apnane ke liye prerit kiya jayega.

Unhone bataya ki behtar sadak pariwahan apne dam par GDP me 4% ka yogdaan deta hai. Niti aayog ke salahkaar Anil srivastava ne bataya ki government better aur fast planning karne me juti huie hai.

One Nation One Card Scheme Ke Futures Kya Hain?

Prime Minister Narendra Modi ne ahemdabad me One Nation One Card Scheme ko launch karenge. Ish card ka use aap yaatra ke kisi bhi tarike ( Bus, Metro, Local Train) ke liye kar payenge. Central Government ke adhikariyon ke mutabik sabhi bank ke credit aur debit card me ek special feature add kiya jayega.

 

Ish Feature ke jariye ticket counter ki POS Machine par card ko use karne ke alawa aap metro rail smart card ke taur par bhi inka upyog kar payenge. Ab jo bhi new debit aur credit card jaari karenge unme nation common mobility card feature hoga. Ye kisi aur wallet  ki trah hi kaam karega.

Delhi metro ne pilot project ke taur par automatic fair collection counter start kiya hai. Ye ish trah ke card ka use karta hai. Ish card ke jariye Metro me entry aur exit ki jaa sakti hai. Amount aapke account se debit ho jayegi.

Sabhi new metro network me ye system lagaya jaa raha hai. Wanhi purane sabhi network me isey padal diya jayega. Ish new technology se bharat me laagat bhi ghategi. Pehle bharat ish technology ke liye videsh par nirbhar tha. Wo iske liye adhik royalty lete they. Ish trah ka card abhi singapur aur london jaise sehar me use hota hai. Ish card ke aane se aapko ticket ki line me nahi lagna hoga. Aap direct Metro ya bus me entry le sakenge.

Ye Bhi Padhein.

Railway UTS App Se Unreserved Ticket Online Kharidein

Smart Watch Se Pay Karein Delhi Metro Ka Kiraya

Main bhi one Nation One Card Scheme se bahut prabhavit hua hun. Mujhe bhi iska besabri se intjaar hai. Ye sach me ek bahut acchi scheme hai. Aapka iske baare me kya vichar hai hume comment me jarur batayein. Saath hi ish post ko sahre kijiye taaki dusron ko bhi iski jaankari mil sake.

7 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.