Passengers ko behtar service dene ke liye Indian Railway barabar kisi na kisi service ko launch karta rehta hai. Indian Railway Catering and Tourism Corporation (irctc) ki ek aisi hi khaas service hai jo “IRCTC iMudra” ke naam se launch ki hai.

Iske Tehat aapko ATM se paiso ke transaction sahi kai benifits milte hain. To aaiye jaante hain. Irctc iMudra ke baare me.

IRCTC iMudra Kya Hai?

iMudra account ek digital wallet aur ek prepaid card ke saath aata hai. Chahein aap irctc par ticket book kar rahe hon, paas ke kisi retail store par saaman kharid rahe hon ya ATM se paise nikal rahe ho, iMudra in sab transactions ko fast, safe aur secure banata hai.

Aap ish post ka podcast bhi sun sakte hain.


IRCTC iMudra Wallet Ke Features: 

  • iMudra Wallet me aapko aasan top up ka option mil jaata hai.
  • Irctc par ticket ki booking bina kisi pareshani se kar sakte hain. Specially tatkal ticket ki booking me ye bahut helpful hai.
  • Ticket Booking ke samay aapko OTP ka wait nahi karna padta, Aur booking bahut fast hoti hai.
  • iMudra ki help se aap Online ya Offline kharidi kar sakte hain.
  • Aap ATM se bhi paise nikal sakte hain.
  • iMudra Network ke andar aap apne family ya friends ko paise bhej sakte hain.
  • Aap aadhar ke dwaara KYC verification karwa sakte hain.
  • Saath hi aapko kuch exclusive offer ka bhi laabh milta hai.

iMudra Wallet Ke Benifits: 

iMudra wallet se aap online ticket booking ke liye payment ka use kar sakte hain. Aksar tatkal ticket booking me bahut pareshani aati hai. Kyunki tatkal ticket ki booking ke samay time limit hota hai. Aur kai baar jab aap bank se payment karte hain, to OTP aane me samay lag jaata hai. To iMudra wallet ka use kar sakte hain.

Saath hi jab aap online booking karte hain to aapko 10 rs ka payment gateway charge lagta hai. Agar aap iMudra wallet ka use karte hain to aapke ye 10rs save ho jaate hain.

Yanha aap account banakar instant apna virtual card bana sakte hain. Jiska use aap online purchase ke liye bhi kar sakte hain. Aur aap chahein to physical bhi order kar sakte hain, Jiska use aap ATM se paise nikalne ya POS machine me kar sakte hain.

Train ki ticket book karte samay aapko card ki details nahi deni hoti hai, Jissey aapka payment safe aur secure hota hai.

Irctc iMudra ek visa card hai. Jo Federal Bank under issue hota hai.  ke saath iMudra card virtual aur physical dono availble hai.

iMudra Wallet Par Account Kaise Banyein? 

Irctc iMudra Wallet banane ke liye aap android app ya uski official site dono ka use kar sakte hain. Aap ko apna signup process pura karna hai. Iske baad aapka aapka account ban jayega.

Wallet account active hone ke liye aapko ek id bhi deni hoti hai. Jisme maine voter id ka use kiya hai. Iske baad aap wallet ko TOP UP kar sakte hain. Top Up ka irctc iPay ke dwaara hota hai jo safe aur secure hota hai.

Aap chahein to Credit card debit card ya UPI ke dwaara bhi apne wallet ko top up kar sakte hain. Saath hi aap chahein to online apne card ko suspend bhi kar sakte hain.

IRCTC iMudra Full KYC Process

Agar aapko iMudra ka physical card chahiye ya fir paise bhejne chahte hain, To aapko full KYC process complete karni hogi. Full KYC ke liye apply karne ke baad ek executive aapke aapke ghar ke diye address par aata hai. Aur aapka valid document check karke KYC process ko complete karta hai.

Lekin Ye jo post main daal raha hun ish time tak karib 3 Months complete ho chuke hain. Lekin abhi tak kisi ne mere ghar pe contact nahi kiya hai. Na hi koi mail ya message ke dwaara iski updation di gai hai.

Khair ab wo to dekhne waali baat hai, ki kabtak wo mera KYC complete karte hain. Par aap virtual card ka use to online shopping ya IRCTC se ticket book karne ke liye kar hi sakte hain.

Ye Bhi Padhein.

IRCTC E WALLET ACCOUNT KAISE BANAYEIN AUR USE KAREIN?

IRCTC ACCOUNT KO AADHAR SE LINK KAISE KAREIN?

CANCELLED TRAIN TICKET KA CHECK KAREIN REFUND STATUS ONLINE

Post ko share kijiye, Jissey dusro ko bhi iski jaankari mil sake. Irctc iMudra se aapka experience kaisa raha jarur comment me batayein. Aur Haan aapka full KYC complete hota hai to ye bhi mujhe bateyein.

3 COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.