Google Chrome Me Saved Password Kaise Recover Karein?

Google Chrome Me Saved Password Kaise Recover Karein?

Aaj Sabse adhik Use hone wala browser Google Chrome hai. I/O Developers Conference 2015 me Google Ke CEO Sundar Pichai ne kaha tha ki 1 Billion se bhi adhik active users google chrome browser ka use karte hain. Ish Post me main aapko bataunga ki  aap Google Chrome Me Saved Password Kaise Recover Karein?

Google Chrome Browser me ek special Features hai “Saved Password” ka. Aaj ke digital yug me na jane kitni website par roj visit karte hain, Inme se kuch to humare liye New hoti hai aur kuch to hum baar baar visit karte hain. Jaise Social Media site, Shopping Site, Apne Bank, Office, College ki site. In sites par hum lagbhag roj hi visit karte hain.

Ab Problems aati hai itne saare website par jab hum register karte hain ya apna account banate hain to inke passwords ko manage karne ki. Chrome browser me jab aap new website par login ya sign up karte hain to aapko Saved Password ka option milta hai.

Ynaha aap apne password ko jab save kar lete hain to baad me jab bhi aap dubara us site par login karte hain to username ya ID dalte hi ye aapka paasword autofill ho jaata hai. Aur aap login kar lete hain. Kehne ka matlab hai ki aapko itne saare alag alag sites ke passwords ko yaad rakkhne ki jarurat nahi hai. Ye sara kaam aapka Google Chrome Browser kar deta hain.

Ab aapne password bhi save kar diya aur easily login bhi kar lete hain. Lekin Problem tab aati hai jab aap kisi aur pc,phone ya browser par aap us website ko use kar rahe hain aur aapko password nahi pata hota hai. Ya aap password bhul jaate hain. To aaiye Dekhte hain Google Chrome Me Saved Password Kaise Recover Karein?

Recover Your Saved Password From Google Chrome Browser in Desktop.

Ab Sabse pehle agar aap desktop me chrome browser use kar rahe hain to apna saved paaword kaise dekhenge ya mange karenge wo dekh lete hain.

Step 1:- Aap apna chrome Browser Open Kijiye aur ek new tab open kar lijiye.

Step 2:- Ab Primary setting Menu Open Kijiye jo aapko chrome browser ke left side top par 3 dots me milte hain ya click karne ke baad Settings ka option milega aapko wanha click karna hai. Google-Chrome-Saved-Password

Step 3:- Ab Settings me aapko Search Option show hota hai wanha aapko type karna hai “Password” Uske baad setting results me bootom me “Manage Passwords” ka option mil jaata hai aapko wanha click karna hai.

Google-Chrome-Me-Saved-Password-Kaise-Recover-Karein

Ste4:- Manage Password par click karne ke baad Passwords window open ho jaati hai. Yanha aapko website ya wo link mil jaati hai jiska aapko password chahiye. Uske saath ush site ka username bhi mil jaata hai. ab aapko simply show password par click karna hai. Aapka password aapke samne hai. Agar aapne apne system me password lagaya hua hai to aapko ek step aur aage jana hoga hai.

Step5:- Jaise hi aap show password par click karenge aapse aapke system ka password pucha jaata aap wo password wanha dijiye aapka password aapke samne hai.

Ye to apne apne system se Chrome browser ki help se apne password ko recover kar liya ya show kar liya. Ab agar aap apne phone me Google Chrome Browser Use kar rahe hain ya kisi other PC ko use kar rahe hai, To aap kaise password Recover karenge ya Dekhenge.

Recover Your Saved Password From Google Chrome Browser in Mobile/Other PC

Maan liya aap apne phone me google chrome browser use kar rahe hain ya Fir Emergency me koi other PC use aur aapko apna password yaad nahi hai to aap kaise apna password dekhenge ya recover karenge.

Step1:- Aap https://passwords.google.com par click kijiye.

Step2:- Ab apni Gmail Id se login Kijiye.

Step3:- Yanha aapne jitne bhi passwords save kiye hain un sites ke links, User id aur password mil jaate hain. Passwords me aapko Eye Button par click karna hai aur aapka password instantly Show ho jaata hai.

Google Chrome browser ke saved password ko use karke aap password ko yaad rakhne aur manage karne ke tam jham se bach sakte hain.

Note-  Google Chrome me password saved karke rakhna hai to aapke kaam ko aasan bana deta hai. Lekin yaad rakhein agar aapke alawa koi bhi aapke Phone ya PC ko use karta hai to wo bhi iska galat faida utha sakta hai. Isliye apne phone ka lock ya system ka lock password trusted person ke saath hi share karein.

Aap apne bank ya kisi aise private site ya link ke password ko Google Chrome me saved password me na rakhein. Agar aap aisa karte bhi hain to trusted person ke saath hi system ya phone ko sahre karein. Kyunki koi bhi aise me transaction kar sakta hai. Ya aapke kisi site par login le sakta hai.

Meri salah me agar aap saved password ko use to thodi privacy bana ke rakhein. Kyunki aapki email id ya user id ko dalte hi password apne aap autofill ho jaata hai.

Google Chrome ka saved password features bahut hi accha agar iska privacy ke saath use kiya jaye to. Aapko ye post kaisa laga hume comment me jarur batayein agar aap bhi apne browser me saved password ka option use karte hain to apne experience ko comment me Technical Mitra ke saath Share kijiye.

Aap Post ko sahre kijiye taki aur log bhi ish features ka use kar ke apne password ko ek jagah manage kar ke rakh sakein.

 

 

2 thoughts on “Google Chrome Me Saved Password Kaise Recover Karein?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.