Google Bolo App Indian Kids Ke liye Online Reading App

Google Bolo App : Indian Kids Ke liye Online Reading App

Kya aap jante hain, Gramin bharat mein, bachho ko humesa basic education se dur reh jaate hain ya fir unki basic education thik se nahi ho paati hai. Ab ishke nijaat ke liye humari sarkarein vifal rahi hain, Mujhe nahi pata kya kaaran hai, Yanha main schools ya acche saste tutors ki baat nahi kar raha. Lekin ab Google Bolo ek aisa app hai jo aapke bacche ko Hindi aur English padhne aur samjhne me behad aasani ke saath madad karenge. 

Google ne baccho ko Hindi aur English sikhane ke liye Google Bolo app launch kiya hai. Ish app ka early access abhi play store par available hai. Ish app ko filhal android operating system ke liye launch kiya gaya hai.

Ye app primary school ke baccho ke liye hai jo unko English aur Hindi sikhane me help karega. Google Bolo app Artificial Intelligence (AI) pe based hoga, Jo Text-To-Speech technology par kaam karega. Ish app ko install karne par Animation Charecter Diya aati hai jo baccho ko Story padhne ke liye prerit karti hai. Bacche agar kisi word ko sahi se nai bol paate to usme bhi uski help karti hai.

Google Bolo App  Indian Kids Ke liye Online Reading App

Chote Baccho Ke Liye Google Bolo App

Google bolo app ki madad se primary school ke baccho ko digital  reading tutor ki jarurat puri ki jaa sakti hai. App ke andar bacchi ke liye Hindi aur english me kai kahanaiya hain, Inme se 90 kahaniyan- 40 English me aur 50 Hindi me hai. Diya naam se ek tutor baccho ko spell karne me help bhi karti hai.

Google Bolo me agar ek baccha ek sentence ko padhta hai to app unhe Green Colour se mark karega, Galat shabdon ko Black colour me highlight karega , jabki galat uccharan ko red colour se highlight karta hai.

Google India ke product manager Nitin Kashyap ne kaha, humne ish app ko ish trah se design kiya hai ki yeh offline bhi kaam kar sake. Iske liye bus 50 mb ke ish app ko install karna hoga. jisey play store se aap free download kar sakte hain. Hindi aur English me isme karib 100 stories di gaie hain.

Kashyap ne aage kaha ki Google ne ish app ka Uttar Pradesh ke karib 200 gaaon me parikshan karke develop kiya hai, Unhone kaha ki aane wale samay me app me Bengali jaise kai dusre indian languages ko bhi shamil kiye jaane par vichar kiya jaa raha hai.

Google Bolo app ko pehle India me launch kiya gaya hai jo inbuilt reading mitra “Diya” ke saath aata hai jo baccho ko padhne ke liye prerit karta hai. Chunki bacche jor se bolkar padhte hai isliye ye aap acche se work karta hai.

Ish app ke dwara 64 % baccho me kewal 3 months me padhne me sudhaar dikhaya. Google Bolo app baccho ko padhne ki skill ke saath unka aatm vishwas bhi badatha hai. Agar aapke ghar me chote bacche hain to aap ka use karke unhe padhne ke liye prerit kar sakte hain.

Ye Post aapko accha laga to jarur share karein taaki dusre log bhi ishka laabh utha sakein Dhanyawaad.

1 thought on “Google Bolo App : Indian Kids Ke liye Online Reading App

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.