Agar aap delhi me rehte hain ya fir delhi ghumne aaye hain. To aapko bata dun aaj bhi delhi me travel karne ke liye sabse easy aur sasta pariwahan hai DTC Bus. Aaj aap janenege ki PoochhO app ke baare me jo aapko DTC Bus, Auto Rickshaw, Taxi aur Metro ki jaankari dega.

Poochho App Kya Hai?

Aaiye sabse pehle jaante hain Poochho aap ke baare me. Ish app ki help se aap delhi me kanhi bhi travel kar sakte hain. Delhi me Travel karte hain to yanha mainly Bus, Taxi, Metro ya fir aap auto ka use karte hain. Ish me aapko wo sab milega.

Poochho aap ko delhi ke uprajyapal Najib Jung ke dwaara launch kiya tha. Jisme DIMTS (Delhi Integrated Multi-Modal Transit System ) ke cab aur bus ke registered driver ke mobile number aur other data shaamil they. Iski help se user call karke apni travel book kara sakta tha. Lekin tab tak ish sewa me Auto Shaamil nahi tha. Delhi Government ne isey upgrade kiya aur ab isme auto rickshaw ko bhi shaamil kar liya gaya hai.

Poochho App ka user interface bahut hi simple hai aur koi bhi isey aasani se use kar sakta hai. Aagar aap app ko open karte hain to homepage par hi aapko Bus, Taxi, Auto aur Metro ka icon mil jaata hai. To aaiye hum Bus se start karte hain. Aur haan aapke phone GPS enabled hona chahiye aur data connection bhi.

Poochho App se DTC Bus Ki Jaankari Kaise Lein?

Jaise hi aap bus ke icon par click karte hain. Ye GPS ki help se aapke Exact location ko trace kar leta hai. Ab Ye location ke hisaab se aapke nearby Bus Stop ki jaankari aapko deta hai. Aap ke near by me jo bhi bus stop hai aap usko select kar sakte hain.

Example ke liye aap dekh sakte hain mere phone ki location ke hisaab se Naraina Vihar Delhi ke andar mujhe kaie Bus Stop ki Location Show ho rahi hai. Jisme maine near kali maata mandir Bus Stop ko choose kar liya hai.

Ab mujhe wanha se niklne wale next sabhi bus ke route aur timing show ho rahe hain. Bus aapko jish bhi route ke liye bus chahiye aap yanha se select kar sakte hain. Aur aapke saamne puri detail aa jaati hai. Ush route me jitne bhi bus stop hain sab aapko show ho jaata hai.

DTC Bus ka Route kaise search Karein?

Lekin mere case me ya shayaad aapko bhi pata na chale ki exact location par kaise jaana hai. To Yanha “Choose Destination” ka option bhi aapko mil jaata hai. Aapko Bus Stop ka naam daalna yanha aapko auto suggestion bhi milta rahega. Bus apne destination ko select kijiye aapke saamne Route ki jaankari aa jayegi.

Aapki Next Bus ka time kya hoga. Bus ka route no kya hai. Aur bus kitne stoppage par rukegi sabhi information aapko mil jayegi. Aap agar regular ush route me safar kar rahe hain to star ke mark par click karke usko save bhi kar skate hain. Yanha aap expected time time, Distance aur fare charges bhi show ho jaata hai.

Yanha maine naraina se dwarka mor ke liye apni bus journey choose ki hai. Aap dekh sakte hain sabhi results mere saamne hain.

To friends aapne dekha ye kitna aasan tha. Aagar aap ko DTC bus me safar karni hai aur aapko routes ka jyada pata nai hai to baar baar kisi se puchne ki jarurat nahi hai. Aap khud ye kaam kar sakte hain. Saath hi ye aapke google maps se bhi connected rehta hai. To aapko ye bhi pata lagata hai ki aapka bus stop kitni dur hai.

Poochho App se Online Taxi Ya Auto ki booking kaise karein?

Ab bus ki baat to ho gai. Yanha home screen aapko Taxi aur auto ka bhi option mil jaata hai. Yanha aap taxi ya auto ke icon par click karte hain to ye aapko show kar dega ki aapke location me kitne auto aur taxi available hain. Thik ye waisa hi hai jaisa aap ola ya uber me dekhte hain.

Ab aapko Near by jo taxi ya auto ke driver’s ko direct call karne ka option mil jaata hai, aur saath hi show ho jaata hai driver’s ka vehicle number aur unki ratings.  Ya to aap drivers ko direct call sakte hain ya aap app ke through request  bhej sakte hain.

Jaise hi aap send request to auto ya taxi karte hain, aapko destination daalne ko kaha jaata hai. Aur Iske baad aap aa jaate hain registration page par. janha aapko apki kuch basic details naam, mobile no, email id maangi jaati hai. Aur near by driver ke paas request chali jaati hai.

Taxi Ya Auto ki Live Location Check Karein?

Yanha jo sabse acchi baat mujhe lagi. Wo hai aap apne vehicle ki live gps tracking kar sakte hain. Bus aapko check GPS par click karna hai, Vehicle no aur chassis number ka last five digit aapko enter karna hai. Agar aapke paas ye sab nai hai to aap driver ka mobile number daalkar bhi live gps tracking kar sakte hain.

EK khaas baat ye hai ki ish app se judne ke liye user ko bhi prakaar ki extra fee dene ki jarurat nahi hai. Saath hi kasmiri gate sthit DIMTS office dwaara in sabhi registered auto aur taxi par nigrani bhi rakhi jaati hai.

Download PoochhO App

Kanhi na kanhi ye chijein users ko better exprience aur saftey ko badhane waali hain. Last icon metro ka hai aap chahein to yanha se metro station ki distance aur route ka fair bhi check kar skate hain. Ye bikul DMRC ki app ki trah hi work karta hai.

To ab agar delhi me kuch puchna hai to PoochhO app se puchiye. Ye badhiya hai safe aur secure bhi hai.

Ye Bhi Padhein

DELHI METRO AUR BUS KI OFFLINE APPS :AB DELHI NCR ME TRAVEL HUA AASAAN

SMART WATCH SE PAY KAREIN DELHI METRO KA KIRAYA

DELHI POLICE ME ONLINE FIR KAISE KAREIN?

Post please share kijiye. Jissey Dusron ki bhi help ho sake. Aur Comment me aap apna experience humse share kar sakte hain. Dhanyawad!

 

 

 

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.