Ab-Google-Assistant-Batayega-Aapki-Train-Ki-Location-1

Ab Google Assistant Batayega Aapki Train Ki Location

Ab-Google-Assistant-Batayega-Aapki-Train-Ki-Location-1



Google ke liye ek bahut bada market hai. Yahi wo wajah hai google India ki jaruraton ke anusaar local services dene ke liye pryaasrat rehta hai. Haal hi me, Google Assistant ko aur bhi adhik local karne ke liye Google ne “Where is my train” app ko kharid liya hai. Google ne aisa Indian Railway ke dynamics ko samjhne ke liye kiya hai. App ko kharidne ke baad, Google ne kuch hi samay me Google assistant ke saath train running status ko support dena shuru kar diya hai.

Google ne  Sigmoid Labs ke dwara banaye app “Where is my train” ko kharid liya hai. Google Ne apne ‘Next Billion Users’ pehal ke tehat $30-40 million dollar me bengluru based startup ka adhigrahan karne ki taiyaari ki thi.

America me ek Entertainment Corporate company TiVO Corporation ke paanch purv adhikariyon ne Where is my train ki sthapna ki thi. Startup me lagbhag 10 logon ki team aur ye sabhi bengluru se bahar hain.

Where is my train app Indian Railway aur IRCTC dwara jaari kiye train ke time tables ke saath nearby Cell tower (Mobile Towers) ka use karke users ko offline train ka location dene me help karti hai.

Whatsapp Par Janein Live Train Status Aur PNR Information

Ab-Google-Assistant-Batayega-Aapki-Train-Ki-Location

Ab Google Assistant Batayega Aapki Train Ki Location

Ab users train ka status pata karne liye apni voice command ka use kar sakte hain. Aaiye jaante hain ki Bharat me Train Running status ka pata lagane ke liye Google assistant ka use kar sakte hain. Aaiye Google Assistant ki help se train ki location ka pata lagate hain.

  • Sabse pehle apne phone me Google Assistant ko launch karein aur Bolein “LET ME TALK WHERE IS MY TRAIN”. Iske baad “Where is my train” service start ho jayegi.

  • Iske baad aap train number ya uska naam bolein jisey aap track karna chahte hain. Iske baad aapko train ki location ka pata chal jayega. Aap station ki list se railway station ko bhi chun sakte hain. Google Assistant aapko ye bhi batayega ki  aapke bataye gaye station par train kab phunchegi.

 

Google Assistant aapko aasani se train running status check karne ki facility deta hai. Issey aapko station sahi samay par pahunchne me madad milegi. Saath hi ye bhi sunischit ho jayega ki aap train ka wait karne me apne time ko waste nahi kar rahe hain.

Waise to kai voice assistant available hain par local services ke maamle me google assistant ka koi jawab nahi hai. Abhi haal hi me Google Pay ne bhi IRCTC ko apne payment service me add kiya hai.

Ye Bhi Padhein

Cancelled train ticket Ka check Karein refund status Online

Railway Ne Lauch Kiye ‘Rail Madad’ Aur ‘Menu on Rails’ App

Whatsapp Par Janein Live Train Status Aur PNR Information

 

To Thanks To Google aur haan post ko share kijiye taaki dusro ko bhi iski jaankari mil sake. Saath hi comment me hume batayein ki google assistant se Train running status pata karne ka aapka anubhav kaisa raha. Dhanyawaad!

1 thought on “Ab Google Assistant Batayega Aapki Train Ki Location

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.