WhatsApp Business App India Me Launch

Whatsapp Business App launch hone ke kuch din baad hi Whatsapp Business App India me launch ho gaya hai. Whatsapp ka yeh new app business ke liye ek normal tool ke saath aata hai jissey users apne clients aur customers ke saath aasan tarike se baat kar sakte hain. Facebook ownership wale instant messaging app Whatsapp ne Whatsapp for business app ki ghoshna pichle year September me ki thi, Aur company ne Bookmyshow, Netflix, aur MakeMyTrip Ke saath saajhedaari me shuruaat ki. Whatsapp Business ko sabse pehle indonesia, itly, Mexico aur America me Friday ko launch kiya gaya. Isme khaas baat ye hai ki app ko public release se pehle, starting me india aur brazil me test kiya gaya tha.

WhatsApp-Business-App-India-Me-Launch

Whatsapp Business app ko specially chote business karne walon ko dhyaan me rakh kar banaya gaya hai. Iske saath companies apne customers se jud payengi aur messaging platform ka hissa ban payenge. Whatsapp ke 1.3 billion se bhi adhik user world wide hain.

Whatsapp For Business Ya Whatsapp Business App Ka Use Kaise Karein?

Whatsapp Business ko aap Google Play Store Se Download kar sakte hain. Download karne ke baad sabse pehle aapko ye sunischit karna hai ki aap pehle se chal rahe whatsapp ko business account me change karna chahte hain ya fir koi new number use karna chahte hain. Kyunki aap 1 Number ka use karke dono whatsapp use nahi kar payenge.

Agar aap pehle se chal rahe whatsapp Number ko whatsapp Business ke liye use karte hain to aapka Normal whatsapp band ho jayega apne aap.

Yanha maine apne case me ek new number add kiya hai. Kyunki Jispe mera whatsapp chal rha hai wo mera personal number hai Jisey main apne business ke liye use nahi karna chahta hun.

Whatsapp Business Account Ko Setup Kaise Karein?

Whatsapp business app ko download karne ke baad ab use aapko setup karna hai, Setup process bilkul Simple hai. Aapko yanha bhi number verify karna hota hai aur aapka account Setup Ho jaata hai. Bus Account Setup karte time jo aap naam dalenge wo sahi dalein kyunki ek baar aapne apne business account ka naam jo daal diya wo dubara change nahi hoga.

Bus Baanki process aapke Normal Whatsapp jaisa hi hai sabhi Features Normal Whatsapp ki trah hain.

Ab Whatsapp Business app me naya kaya hai Wo main aapko bataata hun.

Whatsapp Business Profile Setup

Sabse Pehle Aapko Whatsapp Business Account ke setting me jaana hai uske baad Business Setting Par Click Kijiye Fir Profile par click Kijiye.

Aapne Business ka naam pehle hi setup Kar liya ab

WhatsApp Business Account Setup



Aapko Apne Business ka Logo, Business Address, Business Category, Business Description, Business Hours, Apne Business ka Email Address aur Business se related jo aapki website hai wo add karna hai. Itna karne ke saath aapka Whatsapp Business Profile Ready Ho jayega.

Profile Ke Baad Aapko Statistics aur Messaging Tools Mil jaate hai. Janha aap statistics me dekh paynege ki aapne kitne message send kiye, Received kiye, aapke messages ko kitne logon ne read kiya.

Whatsapp Business ka Messaging Tool Wakai jabardast hai Ye aapke assistant ki trah work karta hai. Aap apne company ke liye greeting message thank you message customize kar sakte hain. Ye automatic aapke client ya customer ko send ho jaata hai jab wo aapse contact karne ki kosish karte hain.

Iske alaawa aap apne customers ke conversation ke liye Label Defined kar sakte hain. Jaise New Customer, Paid, ya Fir label customize karke bhi laga sakta hain.

Waise Whatsapp Business app india me abhi launch hi hua hai. Aage isme aur bhi new features aur changes aayenge. Tab Tak ke liye itne features bhi sufficient hain.

Download Whatsapp Business App



Baanki Jo aapke Normal Whatsapp me Features wo isme inbuit hain hain jaise status, Group Chat, Broadcast etc.

Aapko Whatsapp Business App kaisa laga hume comment me batayein saath hi aap iska use kaun se business ke liye kar rahe hain wo bhi batayein.

Ye Bhi Padhein

Digital Training Hub From Facebook : Free Digital Marketing Course

Smart Watch Se Pay Karein Delhi Metro Ka Kiraya

Reliance Jio Phone Review, Features and Price in India

Bitcoin Wallets Ke Types : Bitcoin Mining Guide

Pasand Aaya To Share kijiye taaki dusron ki bhi help ho sake Dhanaywaad!

 

3 Comments

Add a Comment

Your email address will not be published. Required fields are marked *