Truecaller -Pay-Ne-Launch-Kiya-UPI-Based-Payment-Service

Truecaller Pay Ne Launch Kiya UPI Based Payment Service

Truecaller aaj lagbhag sabhi log iska use Caller Id Application ke liye karte hain. Truecaller ne ICICI Bank se collab kiya hai. Jiska matlab hai ab aap True Caller se Payment kar payenge aur Receive bhi kar payaenge. True Caller ne ish service ko Truecaller pay ka naam diya hai. Yani Truecaller ne launch kiya UPI based Payment Service. Ye unified Payment Interface (UPI) par based hai.

Truecaller Pay me aap Virtual Payment address bana sakenge. Jiska use aap UPI based Transaction ke liye kar sakte hain. Yanha jo sabse acchi baat hai UPI app ki trah VPA (Virtual Private Address) ya truecaller pay ka use karne ke liye ICICI bank account hona jaruri nahi hai. Agar aapka bank UPI ko support karta hai to aap Truecaller ki help se payment received ya send kar payenge.
Agar aise kahu to aap Paytm ki trah yanha mobile recharge kar sakte hain aur apne Utility Bill payments kar sakte hain. Ab aap truecaller app ke jariye Postpaid ya prepaid bill ka payment kar payenge.
Chunki Truecaller ne Payment service ko ICICI se sajhedaari ki hai to sabhi banking aur transaction data ko ICICI bank ke through manage kiya jayega. Truecaller aapke Account ki details, Credit Ya Debit card ki information ko store nahi karega.
Truecaller Pay Truecaller App ka hi ek part hai. Aap ko alag se app download karne ki jarurat nahi hogi. Bus aapko apna Truecaller app ko update karna hai aur in services ka aap use kar payenge.

Truecaller Pay Account Kaise Setup Karein?

Truecaller Pay Account ko setup karna bahut easy hai. Account Setup karne se pehle aapko ek baat ka dhyaan rakhna hai ki aapka Truecaller Number Jo aapne Registered kiya hai aur aapke Bank account me jo number hai jispar Transaction ke message aate hain dono number same rakhein. Issey Account Setup karne me aapko problem nahi hogi.


Truecaller-Pay

Sabse Pehle Aapko Truecaller ko open karke Banking Section me aana hai Fir “Get Started” par click karein. Yanha Cick karne ke baad aapko apna Bank Account Add karne ke liye kaha jaata hai. Mera ICICI Bank me pehle se account hai. Iske alawa bhi mere Others Bank me account hain. Sabhi Account maine add kiye huye hain. Get Started par click karne ke baad aapko apna Bank choose karna hai.

Add-Bank-Account-in-Truecaller-Pay

Yanha aap dekh sakte hain ki maine apne kai bank account add kiye huye hain. Agar aapke paas ek se adhik bank account hai to aap Add New Account Par Click kar sakte hain. Jish bank ka aap regular transaction me use karte hain usko primary account bana lein. “Set as Primary” tick karne ke baad wo account aapka primary account ho jayega. Sabhi Transaction automatically usi account se honge.¬† UPI Pin set kar lene ke baad aap truecaller app se hi Balance check kar payenge.

True-Pay-UPI-ID-and-QR-Code

Yanha aap meri UPI ID dekh sakte hain. Matlab ki aap jitne UPI ID create karenge. Har UPI id ke liye alag QR code hoga. Yanhi aap UPI ID ki help se QR Code ko scan karke bhi UPI based transaction kar sakte hain. Meri Truecaller Pay UPI ID hai 9034564992@icicipay. Yanha tak ka process pura hone ke baad Banking Section me hi aapko Send, Receive aur Scan se pay karne ka option mil jayega.

Truecaller Payments Se Pay Karein Utility Bills

Banking section complete karne ke baad aap aate hain Truecaller Payments section par. Yanha aap apni utility bill ka payments kar sakte hain. Yanha aapko Recharge ka option mil jaata hai. Janha se Prepaid, Postpaid Mobile bill, DTH, Data Card, aur Broadband Recharge kar sakte hain. Saath hi aapko Electricity Bills, Gas aur Landline Bills pay karne ka option mil jaata hai.

Truecaller-Pay-Bill-Payments



Yanha kisi bhi trah ka payment karte waqt aap add kiye huye bank account me se koi bhi choose kar sakte hain. Transaction History me aapke sabhi transactions ke records hote hain. Mujhe ummid hai truecaller isme dhire dhire aur bhi biller ko add karegi.

Ye Bhi Padhein.

Top 10 UPI Apps Aur Wallets India Me Digital Payments Ke Liye

ICICI Bank UPI ID kaise Create Karein?

Mujhe ummid hai ish process ko samjh kar aap Truecaller Pay account setup kar payenge. Aapka truecaller pay se transaction ka anubhav kaisa raha hume comment me jarur batayein. Saath me ye bhi batayein ki aap kaun UPI ya wallet use karte hain Transactions ke liye. Agar Truecaller Pay Account setup karne me koi problem to hume comment karke puchein. Truecaller Pay Ne Launch Kiya UPI Based Payment Service post ko share kijiye Jissey dusron ki bhi help ho sake Dhanyawaad.

 

Post Ko Share Kijiye
  • 6
  •  
  •  
  •  
  •  
  •  
  •  
  •  
  •  
  •  
    6
    Shares

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.