Technicalmitra.com-Ka-Adsense-Approve-Kaise-Hua?

Technicalmitra.com Ka Adsense Approve Kaise Hua? : Adsense Approval Journey

Technicalmitra.com Hindi Tech Bloggers ki duniya me ek naya blog hai. Main aaj ish Post me Technical Mitra ki Adsense Journey ko aapse share kar raha hun. Aakhir  Technicalmitra.com ka adsense approve kaise hua. Mujhe ye ummid hai aapko mere Adsense Approval ki ye Journey interesting lagegi aur agar aap new blogger hain ya blogging me aane ki soch rahe hain to aap motivate bhi honge.

Technicalmitra.com-Ka-Adsense-Approve-Kaise-Hua?


Maine Blogging Ki Suruaat Kaise Ki?

Ye to aap ko pata hi hoga ki agar aapka kisi chij me intrest nahi hai to wo kaam aap adhik time ke liye nahi kar sakte hain. Aur Blogging ke saath bhi aisa hi hai. Agar aapka Blogging me interest nahi hai to aap bahut adhik time tak blogging me nahi tik sakte hain.

Mujhe yaad hai jab me 7th standard me tha tab maine first computer use kiya tha jo school ka tha. Uske baad mujhe ish machine itna pyaar ho gaya main aapko bata nahi sakta. us samay tak mujhe internet ka pata nahi tha. Mere ghar ke aas paas kuch college me padhne wale student they jo cyber cafe jaya karte they main unhi ke saath jaakar dekha karta ki kaise internet use kiya jaata hai. Iske baad main apni pocket money se 10 20 rupaye jama karke cyber cafe jane laga. Aur google me kuch bhi search karta.

Iske baad mujhe Orkut ka pata chala Jo ush time ki bahut badi social Networking site hua karti thi. Main usko use karna jaan gaya fir kya tha ghanto main apna time cyber cafe bita raha tha. Jab main 8th class me aaya to papa mere liye ek computer le kar aaye. Mere liye us waqt wo sabse badi khusi thi. Mano Bhagwaan ne bin mange mujhe sab kuch de diya. Bus Fir ghanto main uspar game khelta, Kyunki us waqt internet tha nahi.

Fir Jab main 9th Standard me aaya to Mere ghar me landline pehle se tha aaj bhi hai papa ne broadband connection lagwa diya, Ab to aisa laga mujhe jannat mil gai bus fir school aur tuition ke baad mera time apne computer ke saath bit raha tha.

Website Kaise Banta Hai?

Mere dimag me humesa ye khyal jarur aata ki aakhir ye website banate kaise hain. Us waqt internet bahut nai chij thi aur information bhi itni aasani se nahi milti thi. Fir maine khud se search kar kar ke apni blog banai jo ki blogger par hai. Maine 2010 me nitishvermahotfill.blogspot.com ke naam se apni pehli blog banai aur sabhi content wikipedia aur other blog se copy kar ke paste kar di. Blog par kuch logo ke comments aaye ki maine ye content copy kiye hain. Fir maine wo blog chodd di. Us waqt tak mujhe ye bhi pata nahi tha ki blog ko delete kaise karte hain.

Meri Pehli Website

Maine fir 2011 me first website aur domain registration India Get Online  se kiya jo free me 1 year ke liye domain aur hosting de rahi thi. Issey pehle main Webs.com, Webly.com se free me website banai thi. Maine khud se tutorial padh padh ke ye sab kiya tha. Tab tak facebook bhi aa chuka tha. Wo aisa daur tha janha mere group me mere friends ke paas apni email id tak nahi aur main google par tha. Main apne doston aur aas paas ke logo me thoda famous ho gaya tha ki mujhe internet ki jaankari hai. Ab internet se judi kisi ko bhi koi problem hoti to log mere paas aate main unki problem solve kar deta. Fir uske baad main engineering me aa gaya aur tab tak internet bhi market me purana ho chuka tha.


Mine Engineering ke 4 saal purey kiye wanha bhi kai logo ki help ki Even Power Point par presentation se lekar na jane kitne freinds ke Fcebook account maine khud banaye. Online Recharge ho ya Online Ticket booking main sabki help karta raha. College ke dauraan hi maine NIIT se Web designing ka 6 Montha ka course bhi kar liya. Ab thoda confidence level bhi badh gaya tha. Ab dimaag me bus itna tha ki apni ek acchi website banani hai.

Maine Suruaat Web Designing Se Ki Jo Mera Sabse Bada Failure Tha.

Main jab college ke last year me tha to maine socha ki kyu na khud ki ek web designing company suru ki jaye. Maine Go daddy se Indiawebbuilders.com ke naam se ek domain book ki aur wordpress par site host kar di. Khud se aur Youtube ki help se maine jaise taise site to setup kar di. Lekin visitors bilkul bhi nahi aa rahe they. Main pareshaan ho gaya tha. Samjh nhai aa raha tha kya karu kaise apni website ko Google me accha rank karau. Karib 2 years isko maine aise hi chalaya. Na mujhe kanhi se koi acche clients miley ulta friends bhi taana maar rahe they ki dekho IWB ka founder aa gaya tha. Us waqt ye mera sabse bada failure tha. Tab tak meri job bhi ek telecom company me lag chuki thi. Fir in chijo se mera dhyaan bhi hat gaya tha. Lekin passion tha, man me tha ki kuch karna hai lekin kaise suruaat karu kanha se karu samjh nahi aa rha tha. Aur main fir yanha fail ho gaya.

Mujhe Motivation Kanha se Mila

Ek bahut hi popular Motivational speaker hain Sandeep Maheshwari Sayad aapne bhi unko suna hoga. Main unki har video dekhta hun. Ek video me unhone kaha ki Jo bhi karna chahte ho uske baare me puri knowledege rakho. Ush field ke pakke khilaadi bano. Sucess jarur milegi, Bus maine search karna shuru kar diya ki kaise ek website ko better banaya jaa sakta hai. Mine kai tutorials dekhe padhe. Chijo ko samjhne ki koshis ki. Ek din aise hi seaarch karte huye meri nazar ek blog par padi Jo thi Shoutmeloud.com Jo harsh agarwal ki ek popular blog hai. Maine unke blog ke karib karib sare post padh daale. Yanha se maine pehle baar jaana ki blogging se earning ho sakti hai. Yanha maine pehle baar jaana ki blogger me naam hai, paisa hai, knowledge hai aur in skills ka use karke hum ek acchi website bhi bana sakte hain. Iske baad maine kai bloggers ko follow karna suru kiya jaise Amit agrawal ka blog Labnol.org, Kulwant Negi ka blog Bloggingcage.com maine karib 1 year in blogs par study ki aur inhe samjha. Yanha se mujhe Blogging ke liye thoda motiviation mila main Inspired hua.

Ab problem ye thi ki main English me perfect nahi tha. Fir main Kaise Blogging karta. Maine Hindi Blogs ko search karne suru kiye. Isi dauraan mujhe Ravi Kumar ka Anytechinfo.com aur Jumedeen khan ji ki Supportmeindia.com dikhi. Mujhe ye blog padh kar itni khusi huie ki main bata nahi sakta. Wjah bus ek thi ki inhone Hinglish me likha tha.

Bus maine soch liya ki jab ye Hinglish me likh to main kyu nahi bus maine bhi Hinglish me likhne ki taiyaari shuru kar di.

Maine Ek Blog Banai Par Adsense Approve Nahi Hua

Mine techinconnect.com ke naam se ek blog start ki. Itni study aur experience ke baad mujhe laga ab to main blogging me tehlka mcha dunga. Maine wanha hinglish me post karne shuru kar diye. 30 post hone ke baad maine socha ab adsense ke liye apply kar dun. Maine Adsense ke liye apply kar diya par mujhe koi mail nahi aaya ki aapka adsnse approve ho gaya hai ya reject ho gaya. Fir bhi main kosis karta raha. Par koi fayda nahi.

Mere Adsense Kyu Approve nahi Hua Iske Karan They.

  1. Mere Blog par Post Regular nahi ho rahe they.
  2. Blog par Traffic bahut kam tha
  3. Maine apni old email Id ka use kiya tha jissey maine apni purani site par bhi adsense ke liye apply kiya hua tha.
  4. SEO Freindly Post bhi nahi they
  5. Sayad maine bahut jaldi hi Adsense ke liye apply kar diya tha.

Main yanha bhi fail ho gaya. Fir kisi ne mujhe bataya ki aap new domain registerd karo aur new email id ke saath apply karo. Yani dubara se jo meri mehnat thi barbaad gai.

Technicalmitra.com Ka Adsense Approve Kaise Hua?

Ek Raat Me Mera Adsense Approve Hua

Adsense Approve In One Night

Maine March 2017 me fir se ek new domain Technicalmitra.com.ke naam se registered kiya. Aur Soch liya ki ish baar sab acche se karunga. Maine proper way se content likhne shuru kiye aur seo ka bhi dhyaan rakha.  Aur maine soch liya ki jab tak adsense approve nahi hota ek post daily karunga. Aur main karta raha. Fir maine technicalmitra@gmail.com se adsense ke liye 4 month ke baad apply kia. Adsense se mujhe mail aaya ki aap pehle bhi kisi dusri Id se apply kar chuke ho. Ho sakta hain maine apni email se kiya. Ab itna kuch karne ke baad bhi jab ye mail aaya to mujhe laga ki syad ab mera adsense kabhi bhi approved nahi hoga. Maine Adsense ki ummid hi chod.

Fir kisi ne bataya ki aapka site bhi slow hai. Aap kisi sasti server ka use kar rahe ho. Aapko hosting change karni padegi. Maine ab dimag se nikal hi diya ki ab mera kabhi adense approve bhi hoga. Fir bhi main post daalta raha. Socha Google Adsense na sahi kisi aur private network se kama lunga. Kyunki Jo domain related email tha uspe to adsense ne pehle hi rejection bhej di thi.

Mere paas meri hi ek aur Gmail Id thi maine sab kuch uspar shift kar diya jaise google analytics, Google adsense aur contact us about us page me bhi usi email ko maention kar diya.

Kabhi kabhi narasha bhi hoti thi ki mere saamne kitne new bloggers aaye unka adsense approve ho gya aur mera bhi tak nahi hua. Kahir koi baat  nahi. December 2018 ki baat hai mere bhai ne kaha kiye blogging kar ke kya milega koi earning to ho nahi rahi hai.

Bus itna sunte hi maine us id se google adsnse ka code apne blog par paste kar diya. Aur apne office chala gaya. Wnha maine dekaha ki google adsense se ke mail aaya hai. Maine ignore kiya ki ek raat me mujhe kaise adsense approval mil sakta hai. Fir thodi baad maine socha chalo mail dekh liya jaye. Aur mujhe yankin nahi ho raha tha ki  mera Google Adsense appropve ho chuka tha. Us waqt samjh nahi aa rha tha main kya karu. Bhut khusi mili ki ek raat me mera adsense approve ho gaya.

Bahut failure aur bahut intejaar ke baad mera adsense approve hua. Agar mera ho skata hai to aapka bhi ho skata hai. Bus jab bhi aap blogging karein deil se karein. Regular post karein aur Traffic badhayein.

To Ye thi ek story aapke author ki jisne itni muskilo ke baad bhi haar nahi mani aur adsense approve karwa ke choda.

Final Words:

Mujhe ye nahi pata hai ki aapko ye padhkar kaisa laga. Aap Motivated huye ya aapko entertaining laga. Lekin maine jo face kiya wo aapse share kar diya. Ek baat yaad rakhiyega blogging field me aapko bloggers bahut milenge lekin starting me koi bhi aapke saath khada nahi hoga. Yanha aapko apni jagah khud banani hogi. Isliye sabse pehle reserch kar lein thoda patience rakhein. Vishwaas rakhein. Jin Blogger ko aap follow karte hain unke post ko acche se padhein. Kyunki aap accha tabhi likh sakte hain jab aap bahut adhik padhenge.

Aaj Maine apne birthday par specially ye post  likha hai. Aapko Post acchi lage to share kijiye. Saath Technicalmitra.com ka 1 Year march me hone jaa raha hai to agar aapke koi sujhaaw ya koi question hain to hume comment me jarur likhein. Ya aap hume mail karein nitishverma@technicalmitra.com. Hum aapke sujhaawon aur aapke prashno ka jarur jawab denge. Dhanyawaad!

18 comments on “Technicalmitra.com Ka Adsense Approve Kaise Hua? : Adsense Approval Journey

  1. Bro, aap k life ke bare me sunn kar meko confidence mila. me sooncha the ki ab blogging ka chapter hi close kar du lekin aap ka post padh kar meko bohut himmat mil gyi.

  2. It was really helpful, Nitish Verma. It was motivating and you brilliantly covered the reality of getting approval from ad-sense. I’ve started my blog 24 days ago and I’m pretty excited about my journey. Happy Blogging!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.