Technical Guruji Vs Technical Sagar : Youtube Par Jung Ki Shuruaat

Technical-Guruji-Vs-Technical-Sagar -Youtube-Par-Jung-Ki-Shuruaat

Google aur Wikipedia ke baad Youtube Ek aisa platform hai janha log apni jarurat ke hisab se search karte hai. Aaj Youtube par Videos dekhne waalon ki kami nahi hai. Na hi kami hai video banana walon ki, Yanha aapko har field aur har categories ke channel mil jaate hain.

Youtube par india se bhi aise content creator ya Fir jinhein youtubers kehte hain, aapko mil jayenge. Yun to jio ke aane ke baad aur india me smartphones revolution aane ke baad har kisi ke haath me ek smartphone hai aur data connection hai. Saath hi unki pahunch bhi youtube tak hai.

Jaisa ki aapne Post ke title “Technical Guruji Vs Technical Sagar : Youtube Par Jung Ki Shuruaat” ko padh ke samjh hi liya hoga. Ki ye post kis baare me hai. Main ek tech blogger hun saath hi youtube ke upar technology ke upar videos bhi upload karta hun. Yun aap keh sakte hain ki ek chota youtuber main bhi hun.

Technical-Mitra-YouTube-Channel-7-Years-Old

Maine apni channel aaj se 7 Years pehle banai. Jab sayad bahut se populars youtubers ko youtube ka Y bhi pata nahi hoga. Tab itna pata bhi nahi tha ki Youtube ke andar monetization enabled karne par aap paise bhi bana sakte hain. Ya apne field me agar aap accha kar rahe hain to aapko Youtube ka PlayButton bhi milta hai.

Yun kahein to youtube se mera bahut hi purana relation hai. Mere age me bacche jab Google me search karna sikh rahe they tab se maine youtube join kiya hua hai. Aur bahut se Youtuber ko dekha, Channel bante dekha aur delete hotey dekha.


Main khud ek Electronics and communication enginner hun, aur web, seo, digital marketing ki samjh rakhta hun. To main tech community ke touch me rehta hun.
Abhi Kuch dino se Indian Youtubers ke bich ek Barchaswa ki ladai chal rahi hai. India me leaders ki ladai to bus satta ya kursi ke liye hoti hai. Lekin Youtubers ke bich ki ye ladai barchaswa ki ladai hai.

Mujhe spiderman movie bahut pasand hai, Ab aap soch rahe honge ye youtube ki baat karte karte kanha Spiderman me ghus gaya to main yanha bata dun ki ye aap pura padhiye fir samjhenge….
Spiderman Movie me aapko pata hoga, ki uska wo charcter puri duniya se chipa hota hai. Isi movie me jab spiderman ke uncle Ben ko badmaash gunde goli maar dete hain. To wo Peter Parker (Spiderman) ka haath pakad k ek hi baat bolte hai. “A Great Power Comes Great Responsibility” aur yahi words uski life badal dete hai.

Spiderman-quotes
Ab kehne ka taatparya ye hai ki ye sabhi new youtubers chahe wo technical guruji ho ya my smart support hon. Mere age to to in logon se kam hai lekin mere liye new hain kyunki mera channel in sabse purana hai. In sab ke bich ek silent war chid gai hai. Yanha Sabhi Great Youtubers hain par koi responsible nahi hain.

Technical Guruji Vs Technical Sagar : Youtube Par Jung Ki Shuruaat

Baat kuch aisi hai ki Technical Sagar ek bahut hi accha Youtube channel hai. Unhone kuch time pehle ye announcement ki wo youtube quite kar rahe hai. Chunki unke bhi subscribers 643,958 hain. To Youtube community aur unke subscribers ne unhe rokne ki kosis ki sagar youtube continue kare.
Lekin na to unhone youtube quite kiya na hi chanel band kiya. Isi baat ko lekar Technical Guruji ne unki ninda ki.

Baat agar itne tak bhi khatam to sahi tha. Vaad vivad ka daur badhta chala gaya yay un kahein itna badh gaya ki baat se baat nahi balki dhamkiya bhi suru ho gain.
Aakhir Kyu Technical Sagar (Abhishek Sagar) Ne Technical GuruJI ko dhamki di?
Aaj India ka sayad hi koi tech lover ya gadget lover Technical Guruji (Gaurav Choudhry ) ko naa jaanta ho. Aaj Wo Youtube india ke brand hain. Baat aise shuru huie ki Technical Sagar ne jab Youtube chorne ka elaan kiya to Technical Guruji bhi saamne aaye ki meri traf se jo bhi help hogi main Technical Sagar ki help karunga.

Lekin Yanha mamla ulta pad gaya, Guruji ne apne ek video me kaha ki “Koi aaye koi jaaye kya fark padta hai ye sab publicity stunts hai jab usey Youtube chodni hi thi to aaya kyu? Ye to Rakhi Sawant ki trah harkat ho gai”
Gaurav ka itna hi kehna Technical sagar ko chubh gaya aur unhone Youtube par Technical Guruji ke khilaaf ek war ka elaan kar diya.”
Unhone kai videos banaye aur technical guruji ke thumbnail ko laga kar unki image down karne ki kosis ki. Technical Sagar kehte hain ki Ye Technical Guruji bekaar ki video banata hai. Iske paas technology se related koi khaas content nahi hai. Bus apne tech news me copy paste ki huie baat bolta hai. Iski aankein dekho ek nasha karne wale insaan ki trah iski aankhein hain.
Ek ke baad ek kai humle unhone apne videos ke dwaara technical Guruji par kiye. Bataur unhone iske liye ek alag se Youtube channel Khurafti Londe kar ke bana liya hai janha unhone Technical Guruji ko expose karne ke liye puri web series hi bana daali hai.

Kya Technical Guruji ne Technical Sagar Ko Phone Par Dhamki di?

Waise jab suru me Abhishek Sagar ne Technical Guruji ko exposed karne ke liye videos banai to Technical Guruji ne Abhishek sagar ko call kiya aur kosis ki ye mamla yanhi khtam ho jaye. Unhone Technical Sagar se request ki unke channel par Jo bhi Video hain jisme bhi Technical GuruJi ka name, Photo, Video, Tag use huie ho aap unko delete karo. Warna hum legal action lenge. Lekin Abhishek ne isey bhi dhamki me liya aur video delete karne se mana karta raha.

 

Technical Guruji Ke Khiaf Technical Sagar ke Jung ka elaan.

Technical Sagar aur guruji ke bich huie ish telephonic conversation ko Abhishek Sagar ne Youtube par upload kar diya. Aur ek jung ki suruaat kar di. Wo lagataar ek ke baad ek video bana kar guruji ke public image ko down karne ki kosis kar raha hai. Unhone apne video me yanha tak appeal ki jo bhi new youtubers hain main unki help karunga apne ish naye channel ke Madhyam se bus aapko channel promote karne ke liye 10 sec ki video banana hai jisme aapko Apna naam channel ka naam kis category me aapka channel aata hai wo batayein aur “Gaurav Say Sorry” kar k eek video banayein Mujhe bhejein taaki main usko ynha apne ish naye channel par dikha sakun.

Yun kahe to sagar ne audience ko centimente karne ki bhi kosis ki unhone yanha tak keh diya ki Gaurav Chaudhry bahut ghamndi insaan hai. Bahut paise waala hai aur UAE me business karta hai. Fir kyu koi humare desh me humare audience se paise kama kar videsh le jaaye kya ye aapko accha lagega. Sagar ka kehna ye bus news anchoring kar sakta hai ya Phone ke dabbe khol sakta hai Jisey aap unboxing kehte hain. Unhone apne videos jam ke technical Guruji ke upar bhadaas nikali hai aur ye silsila jaari hai.

Kya Gaurav Chaudhry (Technical Guruji) Ghamndi Insaan hain?

Kya Gaurav Chaudhry humare technical guruji sach me ghamandi hain. Kya unki youtube tech community me kisi se nahi banti?
Meri nazar me agar maine 1st kisi tech youtuber ko jaana to wo Ek naam tha Geeky Ranjit. Jo Bahut hi acche Tech Youtuber hain. Iske baad Sharma ji technical hain. Jab Technical Guruji Youtube industry me aaye to unhone Sharma Ji Technical se hi approach kiya ki wo unki video apne channel par publish karein.
Jiska Fayda Hua aur Guruji dekhte hi dekhte Youtube Star ban gaye. Waise iske piche unki ki gai mehnat bhi hai. Lekin aam taur kai youtubers aur viewers bhi mante hain ki Technical Guruji ne iska credit Sharma JI Technical ko nahi diya.

Khair Sharma JI apne kai videos aur interviews me ye bata chuke hain unhein koi problem nahi hai. Aur Gaurav Chaudhry ke saath unke relation acche hain.
Ab Kuch Youtuber aur Viewers ka ye bhi kehna hai ki Guruji unka reply nahi karte hain. Waise isme thodi sachai ho sakti hai. Agar aap Technical Guruji ka official Twiiter handle dekho to yanha aapko pata lagega ki Unke followers to bahut hain par wo kisi ko follow nahi karte. Saath hi jab maine unke Tweets & Replies ke section ko check kiya to dekh unhone ne kabhi bhi kisi tweet ka reply bhi nahi diya hai. To issey thoda andajaa lagya jaa sakta hai.
Sayad yahi wajah hai unhone kai channels ke saath collaborated Videos to banai lekin sayad hi koi unke channel par post huie.

GTS Collaboration Ka Kya Hua?

Agar aap tech videos dekhte hain to aapko pata hoga ki kuch time pehle Gadget To Use (Abhishek Bhatnagar), Technical Guruji aur Sharma Ji Technical ne collab kiya tha. Jiska Naam Inhone GTS diya tha. GTS ki meetup bhi delhi me successfully huie. Lekin Kuch asehmati ke baad ye GTS Collaboration tut gaya. Yanha bhi sabke nishane par they Technical Guruji. Halanki na to ish par kabhi khul ke baad Abhishek Bhatnagar ne ki, Na Sharmaji ne na kabhi guruji ne.

Bahut aisi bhi khabar hai ki wo chote youtubers ki value nahi dete. Unhe apne level ka nhi samjhte. Khair ye khabar kitni sacchi hai wo to waqt batayega.
Waise Criticism se hume ghabrana nahi chahiye. Kyunki aap Jitna upar uthenge critic utne hi paida honge.

My Smart Support Ki Bhi Video Delete.

Humare Dharmendra Jinka channel hai my smart support. Inhone kai baar Youtube ki policies ko lekar Youtube koTrending section ko lekar aawaz buland ki. Sayad wahi aise india se youtuber hain Jinhone Youtube par kaam karte huye bhi youtube Trending section ke baare me Youtube ko expose karne ki kosis ki. Waise wo full time youtuber hain aur isi pe depend hai. Ye wahi baat ho gai paani me rehkar magar se bair. But unke ish jajbe ko salute hai.

Waise to Youtube ka trending Section bahut hi vivadsapd hai. Dharmendra ji ne hi bataya ki ho sakta hai Youtube office me baitha banada isey manually trending me daalta hai aur video viral ho jaati hai. Lekin Guruji ke saath collab haal ke hi video me guruji ne bataya kin ahi ye youtube ke algoritms ki wajah se hota hai. Halanki ish baat ke pakke sabut hain ki Youtube Trending section ko manually operate kiya jaata hai.
My Smart support ko bhi Technical Guruji ke upar banaye gaye 2-3 Videos delete karne pade. Unhein Bhi Technical Guruji ne phone aur email se contact karke aisa karne ko kaha. Mujhe lagta hai Technical Guruji se collab karne ke baad ab my smart support bhi thoda to unse jarur darnel age hain. Ki unke channels par bhi koi strike na aa jaye. Khair ye un dono ka personal matter hai.

Har Koi Karne laga hai Unboxing

Waise kaun sahi hai aur kaun galat iska judgement mujhe nahi karna. Bus Faisla Viwers ke haath me hai. Wo Jinhe pasand karegi wahi upar jayega. Aaj kal lagbhag tech channel Gadget ki unboxing kar rahe hain. Mujhe Ye Unboxing ka funda samjh nahi aata. Aapko indian tech community me ek se bade ek gadget unbox karne waale milenge jaise Humare Guruji, Sharma ji, Techno Ruhez.

Waise Techno Ruhez ne ground level se kaam kiya. Main unka fab tab ho gaya jab unki channel par strike ki wajah se monetization ko permanent disable kar diya gaya. Fir bhi wo banda kaam karta raha jo taarif ke kaabil hain.

Aap kisi phone ko dabbe se nikal kar kaise 10 Min me ye decide kar sakte ho ye aapke liye sahi hai ya nahi. Aap phone ko dekh kar bus overall uska review de sakte ho aur kuch nahi. Mujhe to kabhi se nahi lagta ki unboxing se koi fayda hai. Aap Review karo bus baanki public decide karegi usey wo gadget lena hai ya nahi. Maine Technical Guruji ke video me dekha tha unhone kaha ki maine 2-4 Phone ki unboxing ki hogi.

Lekin unke channel par aapko kai Umboxing video mil jayenge. Main filhaal Youtube par itna active nahi hun lekin jab main youtube karne lagunga to kabhi bhi unboxing nai karunga. Issey accha hai aap logo ko ye batao ki unke paas jo phone hai wo ussey kaise adhik kaam me laa sakte hain. Aur kaise better use kiya jaa sakta hai.

Mujhe to Yahi lagta hai ki normally jo bhi tech reviews, Gadget unboxing karte hain unhein sayad inke basic term aur how its work pata bhi nai hoga. Na unhone kabhi ish par reaserch ki hogi. Kyunki na to wo Engineering background se hotey hain na technology ki depth se samjh hoti hai. Waise Technical Guruji  ya sharma ji technical, ya fir geeky Ranjit ye sab Well qualified technology expert hain.

Mujhe Non Technical Background hone ki wajah se dikkat nahi hai. Maan lete hain aapke paas do phone hain dono me alag alag processor hain. Bus Ek ko aapne fast keh diya ek ko slow kisi ka sun ke kisi ka padh ke. Matlab aapko issey koi matlab nahi hai ki “How Microprocessor Works”?  Camera ke 16 Megapixel hai wo bata diya lekin megapixel sensor ka nahi pata. Khair Viewers dekh rahe hain dekhne do.

Khair Youtube India ka Trending Section Pareshaan karne waala hai hi. Upar se ye Negativity Youtube par fial gai hai. New aur chote youtubers ab darne bhi lage hain, ki pata nahi kab kya ho jaye. Ummid hai jaldi hi ye masla nipta liya jayega aur youtubers ish barchaswa aur paise ki ladai ko khtam kar denge.
Technical Guruji ko bhi itna hataash nhi hona chahiye. Wo Popular brand hain. Aur chahe wo Choclate ka brand ho desh ka leader criticize sabka hota hai. To hume apne criticize par itna pareshaan hone ki jarurat nahi hai. Ummid hai jaldi hi ye youtube war khtam hoga.


Post Pasand aaya to Share Kijiye. See Something New See Youtube War

4 Comments

Add a Comment

Your email address will not be published. Required fields are marked *