Rohit Mewada Ki Hindi Tech Blog Hindimehelp.com Par Cyber Attack

Agar aap hindi me Tech News Ya Kisi blog ko padhna pasand karte hain to aapne Rohit Mewda ki Hindi Tech blog Hindimehelp.com par kabhi na kabhi visit jarur kiya hoga. Jo ki India me Hindi Me Help hindi ki top 10 blogs me se ek hai.Rohit Mewada Ki Hindi Tech Blog Hindimehelp.com Par Cyber Attack

Maine Hindi Tech Blogging me naya hun. Aur Rohit Ji ke official blog se lekar unke Group par bhi juda raha hun. Kuch dino se HMH ki official site down chal rahi hai. Jab maine Hindi me Help ki official group dekhi to pata laga website ke database me kuch gadbad ki gai hai. Jiski wajah se site open nahi ho rahi hai.

India me Cyber Attack ka ye koi first case nai hai. Par issey Rohit ko nuksaan to to hua hi saath aise kai log jo ish blog se jud kar hindi me technology ki learn kar rahe they unko nuksaan pauncha hai.

Rohit Mewada ki Blog Hindi Me Help ke saath akhir kya hua ye janne ke liye maine Unke Official group jiska main bhi member hun main unke post ko dekha. To Kuch baatein Samne aaie hai. Jo main aapko bata raha hun.

Hindi Me Help Group Hindi Bloggers ka largest group hai jisme karib 19000 se adhik members hain. Isme kai old aur experienced bloggers hain aur kai aise newbie blogger jo yanha aakar blogging learn kar rahe hain.

Rohit Mewada ke blog me gadbadi aane ke baad unka jo first post mere samne aaya wo kuch aisa tha.

Message From My Developer…

Bhai Kya Mila Mila Yaar aapko muje paresan karke. 😞

Pata nahi q, mera sath aesa kiya, isse mera nuksan bhi huaa hai, fir bhi me aapka bilkul bura nahi cha raha..

Agar ye mere sath 3 saal phele hota to to uske baad aap bhi meri trha Site hack ho gai ki post dal rahe hote.. par aese paresan karne me kuch nahi rakha bhai.

mera around $900 ka nuksan huaa hai. paise maine nahi rakhte.. par isse aapko pata nahi kya khusi mili hogi.

Mere pass itni detail hai me police case bhi kar sakta hu.. par me nahi chata, agar kisi ka koi talent hai to wo usko galat direction me use kare.. or ummid karta hu aage aap kisi ke sath aesa nahi karege.. or aapke iss talent ko sabki help me lagayege.. na ki nuksan phuchane me..

Unke ish post se aisa nai lag raha hai wo ish saksh par koi legal kadam uthana chate hain. Itna Kuch hone ke baad bhi koi itni aasani baith jayega ye bahut himmat ki baat hai.

Hindi Me Help Blog Ke Hack Hone se machi kalbali

Rohit Mewada ki HMH blog ke Cyber attack ki baat aate hi Hindi bloggers community me khalbali si mach gai. Unke readers aur kai anya blogger ne unhe Cyber Crime me case file karne se lekar kai blog ko recover karne ke kai suggestions tak diye.

Jayadatar bloggers ne unhe yahi suggest kiya ki wo Cyber crime ka case file karein. Par unhone aisa karne se mana kar diya.

Jaldi Hi Recover Ho Jayegi Hindi Me Help

Blog ke hack hone ke baad Rohit ji lagataar kosis kar rahe hain ki unki blog jaldi se recover ho jaye. Agar HMH group par kiye unke post ki baat karein. To blog ka database recover kiya jaa chuka hai. lekin sayad ye itna aasan bhi nahi hoga. Kyunki ish attack me unke database ko buri trah se barbaad kar diya gya hai. lekin Blog Bahut Jaldi Live aa jayegi. Thoda wait kijiye.

Jisne bhi ish blog ko barbaad ko usko Rohit Mewada ne ek message di hai aap yanha padh sakte hain–

 

Thanks Brother, Meri Mhenat ko barbad karne ke liye..
Database ko bura barbad kar diya.. Ab HMH ki post ko recover karna muskil hoga.
lagta hai.. Kuch acha karne ka soch to logo jo jalan hoti hi hai.. Meri income main HMH nahi thi.. Wass me or logo ki help karna chata tha.. Usko hi barbad kar diya..
Ab muje thoda sochna padega.. Me jo logo ko sath lekar chalne ka soch raha tha.. Uska kya Faida huaa..
Paise to bhut chap luga. Iss harkat ne mera dil tod diya. Jitni mhenat me HMH me help karne me karta tha. Uski agar me paise kamane ke liye karta. To isse 30 40 guna jada paise kamata..
HMH ko open hone me ab time lagega.. Friend..
Bhai.. Jo aapne meri mhenat barbad ki hai naa.. Uske baad mere ek Uncal cyber sell me hai.. Unhone kaha.. Report kar sale se 5lakh ka clam karege.. Or 3 saal ki saja bhi hogi.. Par me nahi karuga..
Or q nahi kar raha hu…. Uska pata jald chal jayega..
Mera jo Nuksan huaa hai.. Uski paise me value nahi hai.. To 5 lakh se kya hota..

Khair ek hindi blogger aur Rohit ke blog ka reader hone ke naate main to yahi cahunga aur mere saath aur bhi kai log chahte hain ki blog jadi se live aa jaye. Ab dekhna ye hai ki blog kitni jaldi live aati hai.

Support Me India Ke Jumedeen Khan Par Hacking Ka Aarop

Ish pure prakram me kuch logon ke dawara ye bataya jaa raha hai ki support me india ke founder Jumedeen Khan ne Rohit ke blog ko hack karwaya hai. Main bata dun ki aisa kuch bhi nai ye bus rumors hain jinse dono bloggers ki image ko damage karne ki kosis ki jaa rahi hai.

Yanha Dekhiye Kya kaha Jumedeen Khan ne —

Unhone apne Post me saaf taur se kaha ki ye bus Rumors hain jinka unse koi lena dena nahi hai jiska support khud Rohit ne bhi kiya hai.

Khair aise kisi ko pareshaan karna ya unki image khrab karna bahut galat hai. Waise Rohit ne spasht rup se bata diya hai ki unka blog Jab tak live nai hota wo ish trah ki kisi faltu byanbazi ya kisi trah ka kadam nai uthane wale hain ek baar Hindi Me Help live aa jaye fir wo ush vyakti se legal dhang se niptenge.

Mere saath aur bhi kai log chahte hain jo hindi me help ke readers hain ya unki blog se group se learn kar rahein saath hi kai aise bloggers ki unki site jaldi live aa jaye.

Meri aapse gujarish hai ki aap bhi blogging kar rahe hain ya internet se juda koi bhi kaam humesha satark rahiye. Aaj khas taur par hindi blogging me itni bhid badhti jaa rahi hai. Logo me ek dusre se upar jaane ki hod lagi huie hai. Newbie bloggers traffic pane ke liye kuch bhi karne ko taiyaar hain. Fir chahe fake id bana ke logo ko cheat karna ya fir competitor ke blog ko nuksaan pahuchana.

Rohit ke saath Jo hua wo ek bahut bura experience hai. Hum andaja bhi nai laga sakte ki issey kitna bada nuksaan unhe pahucha  hai unki mehnat barbaad huie hai. To aap bhi satark rahein. Agar aap blogger hain to apni site ka backup lete rahein.

Filhal to Hindi Me Help site down chal rahi hai aap kisi bhi help ke liye  HMH Ki Offical Group ko join kar ke help maang sakte hain ya dusro ki help kar sakte hain.

Ye Bhi Padhein-

Top 10 Hindi Bloggers in India

Aap mujhe comment kar ke bataiye ki aap apne internet work ya database ko safe rakhne ke liye karte hain. Kaun si tips apply karte hain comment me humare saath share kijiye. Saath me post ko bhi share kijiye taaki dusre tak bhi ye post pahunch sake. Dhanyawaad.

 

 

18 Comments

Add a Comment

Your email address will not be published. Required fields are marked *