Reliance Jio Phone Review, Features and Price in India

Reliance-Jio-Phone-Review-Features-and-PriceReliance Jio 4G Feature wala phone Market me dhamaal Machane ke liye aa gaya hai. Reliance ki traf se iski Officially delivery shuru kar di gai hai. Yeh Indian Telecom Market me ab tak ke sabhi features Phones se different hai.   Reliance Jio Phone aapke old Feature Phone Ke mukable adhik facility deta hai aur aapke aapke Smartphone se kam. Bharat me aaj bhi Feature Phone Use karne wale Customers adhik hain. Jio Network aane ke baad apne User base ko Bada karne ke liye hi Reliance Jio Phone Ko market me laya gaya hai.

 

Reliance Jio Phone ka Nirman Sehar aur Dur Daraj ke ilakon me rehne wale logo ke liye kaafi soch samjhkar banaya gaya hai. Reliance Jio ke Salaana Meeting me isey officially launch kiya gaya. Yeh ek 4G Network ko support karne waala VOLTE (Voice Over Long Term Evolution) phone hai. Phone Ka lokpriya hona ish wajah se bhi hai ki ye muft hai.  Customers ko isey kharidne ke liye 1500 Rupaye dene honge Jisey 3 saal baad phone lautane par wapis kar diya jayega. Waise to Reliance Jio ne Jio Phone ki Pre Booking August Month me suru ki thi aur Phone ki delivery September Month se karne ka promise kia tha.

Jio Phone ko kisi khaas category me nahi rakha jaa sakta hai. Yeh dikne me ek feature phone jaisa hai lekin isme kai smart Features hain jiske wajah se ish phone ko ek unique identity milti hai. JioPhone ke sabhi appish feature me kaam karte hain. Aap Movies dekh payenge aur Mp3 songs ko stream kar payenge. Saath hi Tariff plan me data free diya jaa raha hai, Taaki aap in sabhi services ko access kar payein. Aur kya chahiye Ab….. Waise ye sab sunne me to accha lag raha hai. Par hakkikat ki padtaa hum aapko batayenge.

Reliance-Jio-Phone-Booking-Pre-Book-Jio-Mobile-Online for-500-Only-jio

Reliance Jio Phone Ki Design aur Look

Relince Jio Phone Design aur look Purane trah ke phone jaisa hi hai. Ye Chote screen aur Numeric Keypad ke saath aata hai. Sabkuch plastic ka bana hai aur iski quality bhi acchi hai. Weight bahut adhik nahi hai aur ye aasani se haatho me fit ho jaata hai. Roundable Corners ki wajah se phone ki pakadne me aasaan hai.

Jio Phone ka screen 2.4 inch ka hai aur iska Resolution 240×320 pixel hai. Display ke niche do function button, Dpad, Call aur disconnect button aur number pad hain. Screen ke upar earpiece ke bagal me VGA Camera hai. Har buttons ke bich ek proper distance hai. Button ko press karne par ye majbuti ka ehsaas dete hain.

Jio Phone ke back portion par 2 Megapixel ka Primary Camera aur loudspeaker hai. Back Cover ko open kia jaa sakta hai. Aur 2000 MAH ki battery bhi bahar nikali jaa sakti hai. Jio Single SIM device hai aur isme Nano Sim Slot hai. Aapko Micro SD Card ke liye alag se slot milega. Nichle hissey par Micro USB port ke saath headphone socket hai. Top par ek LED Torch hai. Isey D Pad par UP Button ko Long time tak press karke active kiya jaa sakta hai.

Retail Box ki baat karein isme aapko JIO Phone ke saath ek charger aur Micro USB Cable milega. Phone me pehle se hi Jio ka sim milta hai. Jisey use me lane ke liye activate karana hoga. Purana Jio ka sim bhi phone me eaisly chalta hai. Haan par isme Airtel ka sim nahi chala.

Reliance Jio Phone Ke Specification aur Features

Jio Phone ke specification behtrin hain. Dual Core processor hai aur aur saath me 512 Mb RAM bhi diya gaya hai. Inbuilt Storage 4GB hai. Isme user ke liye 1Gb available hai. 1 Gb apps ke liye reserve hai aur jo banki storage hai wo software update aur app cache ke kaam me aayegi. Waise bhi storage ke liye aapko tension lene ki jarurat nahi hai, Kyunki aap 128 GB tak ka Micro SD Card isme use kar payenge. Aap apne PC se ke through file transfer kar payenge bus aapko USB Mode enable karna hoga.

Connectivity ke liye Jio Phone me Bluetooth aur Wifi hai. Bluetooth ki help se aap dusre phone me file transfer kar payenge. Wifi bhi Router se eaisly connect ho jaata hai. Jio Phone 4G Volte Support hai. Phone jaldi hi jio network ke saath connect ho jaata hai. Haan yanha ek Problem hai isme Hotspot ka feature nahi hai, Yani Daily milne wale data ko aap kisi other phone ke saath share nahi kar payenge.

Jio Phone KAI OS par chalta hai. Ye Firefox OS ka customized version hai. Iska matlab reliance ne software ko behatar banaya hai. Iska User Interface bahut hi aasan hai. Menu ka style Grid hai. App ke icon aur Name ki wajah se isey aasani se pehchana jaa sakta hai. Jio Phone me Jiostore naam se app store hai, Janha Jio ke app ke alawa aapko kuch aur nahi milega.

Jio Phone me Jiolocation hai Jo GPS aur Wifi dat ke dwara Loction access karta hai. Iska use AOS Emergency Function ke liye hota hai. Agar aap 5 number wale button ko long time tak press karte hain to Phone location ko Coordinate kar ke OAS ko message bhej dege. Jio Phone me Payment ke liye NFC bhi diya gaya hai. Lekin filhaal ye available nahi hai. Ho sakta hai aage OTA update me isey enabled kar diya jaye.

Reliance Jio Phone Performance, Camera Aur Battery Life

Normally Hardware aur KAI Os ke combination ke baad bhi issey saste aur speed wale phone ki ummid nahi kar sakte. Ab Kya yaar Bacche Ki Jaan loge♥..

Jio Phone me app load hone wale thoda time lagta hai, Lekin Hardware itna powerful ki full HD Video bhi play ho jaata hai. Aap ek time me ek hi app chala payenge. Jio Phone me basic game hain lekin khelne me itne burey bhi nahi hain. Jio apps ke performance internet ki speed par depend karti hai. Song and Cinema ki streaming ke liye kuch khaas wait nahi karna padta hai.

2 Megapixel ke rear camera se li gai photos ka resolution 1600X1200 pixel hai. Landscape shot me thodi kami hai. Haan Close se liye gaye shot behtarin hain. Acche shot ke liye aapko phone acche se pakdne padegi. Acche quality wale video ka resolution 720X480 Pixel hoga.

Selfi ka resolution 640X480 Pixel hai. Isme bhi rear camera me aapko thodi Noise milegi. Waise Jio Phone ki tulna aaj ke Smartphone karna sahi nahi hoga. Agar light kam ho aur photo lete samay aapke haath hil-dul jaate hain photo dhundhli aa jaati hai. Selfi Camera ka Higher video resolution 352X288 Pixel hai.

Chaliye ab battery Jio phone ki battery ka thoda investigation kar lete hain. Phone me 2000 mah ki battery aati hai. Lekin isme Bluetooth, 4G, WiFi aur GPS jaise feature hain jo battery ki khpat adhik karte hain. Normal 24 Hours use ke baad bhi 80% battery bachi rehti hai. Phone karib 4 din tak bina charge kiye huye chal jaata hai. Phone me power saving mode bhi hai, Jisko On karne par ye sab kuch off kar deta hai. Battery Jio Phone ki lajaawb hai.

My Opinion

Agar aap meri opinion maane to humare jaise log Smartphone user ke liye ye phone nahi hai. Lekin agar aapke ghar me school jane wale bacche hain ya buddhe log hain to wo ye phone use kar sakte hain. Apne desh me jo gramin log hain unke liye phone bahut hi affordable hai. Aur entertainment ke saath Internet ke saath unko judne ka mauka mil jaata hai.

Jaisa ki hum dekhte hai aaj kal sabhi 2 Phone use karte hain. Chahe wajah jo ho office ye ghar ka phone alag rakhne ki baat ho ya battery saave karne ki baat ho to aap extra me ye phone rakh sakte hain. Ummid hai Jio Phone aahe isme aur bhi badlaaw karega.

Technical Specification

NETWORK TECHNOLOGY True 4G (LTE Support): VoLTE (HD Voice Call), Video call support
LTE Bands Supported: BAND3(1800)/BAND5(850) LTE-TDD BAND40(2300)
DISPLAY Screen Size: 6.09cm (2.4inch)
Screen Type: TFT screen
Screen Resolution: QVGA (320 x 240)
CONNECTIVITY Wi-Fi: 802.11 b/g/n
Bluetooth: BT 4.1 with BLE
GPS: Yes
USB Connectivity: USB 2.
NFC: Yes
PLATFORM Operating System: KAI OS
CPU: 1GHz Dual core Processor
BATTERY Capacity: 2000 mAh, Li-ion
Talktime: Upto 12 Hours
Standby Time: Upto 15 Days
MEMORY Internal Memory: 4GB, RAM: 512MB
Expandable: Upto 128GB
CAMERA Rear Camera: 2MP
Front Camera: 0.3MP
Video Recording: Yes
MULTIMEDIA Music Player: Yes
Wireless FM Radio: Yes
Video Player: Yes
Loudspeaker: Yes
Alert Type: Ringtone + Vibration
INDIAN LANGUAGE SUPPORT 22 Indian languages- Assamese, Bengali, Bodo, Dogri , Gujarati, Hindi, Kannada, Kashmiri, Konkani, Maithili, Malayalam, Manipuri, Marathi, Nepali, Oriya, Punjabi, Sanskrit, Santhali, Sindhi, Tamil, Telugu and Urdu
APPS SUPPORT Jio Apps: MyJio, JioMusic, JioTV, JioCinema, JioXpressNews, HelloJio, JioVideoCall, JioShare, JioGames etc.
JioStore: More apps can be downloaded from JioStore app
FEATURES Hello Jio: Your personal Voice Assistant with voice enabled search (English, Hindi) Compose SMS, Search on Google, Open app, call contact and much more
Connect To TV: Connect to CRT TV, Smart TV etc using JioMediaCable (to be bought as separate accessory)
Browser: 4G internet browsing
Other features: Torch, calculator, alarm, calendar, gallery etc.
BOX CONTENTS Handset, Removable Battery, Charger Adaptor, Jio SIM CARD
OTHER DETAILS SIM Slot: Single SIM
SIM Size: Nano Sim (4FF type)
Color: Black
OTHER COMPATIBLE ACCESSORIES 1. charger with 5V, 700 mA rating
2. standard 3.5mm jack for audio
3. JioMediaCable
4. JioFi for wifi access

                                        Buy  Jio Phone Online

 

Buy From Amazon

Buy From Flipkart

 

 

Jio Phone Ki Booking Ke Liye aap Jio ki Official Site par Visit kar sakte hain. Jio Phone ki Online Booking ke liye yanha Click katein.

Reliance JIO Phone Online Booking

To aapko Ye Jio Phone ka review kaisa laga hume comment me jarur batayein. Aur agar aap jio phone use kar rahe hain to apna experience bhi humare saath Share kijiye.

Pasand aaya to Share Kijiye Dhanyawaad!

2 Comments

Add a Comment

Your email address will not be published. Required fields are marked *