Railway Ne Lauch Kiye ‘Rail Madad’ Aur ‘Menu on Rails’ App

Aaj humtrare desh me bhi bullet Trains ki baat ho rahi hai. Ishpar kaam chal raha hai. Lekin Issey pehle humari Indian Railway apni service ko better karne ki kosish me lagi hai. Ishi kami ko pura karte huye Railway Ne Lauch Kiye Rail ‘Madad’ Aur ‘Menu on Rails’ App. Abhi tak humlog railway se judi complaints, Suggestions ya feedback ke liye Twitter ka use karte aaye hai. Par ab aapko twitter ka sahara nahi lena padega.






Rail Passengers  ki help ke liye Railway ne Monday ko 2 Mobile app launch kiye. Rail Minister Shri Piyush Goyal aur State Minister Shri Manoj Sinha ne Rail Madad aur Menu On Rails naam se app ko launch kiya. Jinhe Google Play Store se download kiya jaa sakta hai.

Ye app Government ki uplabdhiyon par ki gai press conference ke dauraan launch kiye gaye. Rail Madad app ke jariye passengers complaint register karwa sakenge. Wanhi dusri traf Menu On Rail ke jariye Train me khane ka order de sakenge.

Ab aaiye jaan lete hain ki in apps me aapko kya khaas milega aur ishka use kaise karenge. Agar aap railway me safar karte hain to aapke liye ye janna jaruri hai.

Rail Madad App Kya Hain Aur Kaise Use Karein?

Jaisa ki maine aapko bataya Rail Madad app Railway passengers ke liye complaint registered karne aur uske solution ka ek app hai. Hum ya aap kabhi na kabhi railway me safar karte hain aur hume problem aati hi hai. Rail Madad app ko aap Play store se download kar sakte hain. App ko download karne ke baad aapka name, Mobile Number dena hota hai jo OTP se verified hota hai.

Rail Madad App ko open karne ke baad aap yanha dekhenge ki yanha sabhi trah ki compalaints ki summary di huie hai. Yanha complaint section ko do bhaag me devide kiya gaya hai. “Register My Complaint For Train” aur “Register My Complaint For Station”.

Rail-Madad-App

Register My Complaint For Train ke andar Reservation ya General Ticket wale passengers me se koi bhi complaint ki kar sakte hain. Aapko bus PNR ya ticket number enter karna hota hai. Uske baad apna train select karein. Aur complaint ka type choose karein. Complaint ki date deni hogi. Saath hi koi other details hai to wo bhi aap isme 256 characters me likh sakte hain. Agar aapke paas photo hai complaint se related to aap usko laga sakte hain. Bus Submit kar dein aapka complaint registered ho jayega.

Iske baad option hai Register my complaint for Station. Yanha bhi sabhi process same hai. Bus Yanha aapko train ki jagah aapko station mention karna hota hai. Ye wakai ek badhiya tarika hai apni complaint ko railway takk pahunchana ka. Yanha Rishwat ya Corruption se judi complaint bhi aap kar skate hain. Jo wakai mujhe bahut accha laga. Yanha aapko Railways ke Helpline Numbers bhi mil jayenge.

Menu On Rails App

Railway ki food quality aur adhik paise wasule jaane ki complaints aana koi badi baat nahi hai. Menu On Rails app ki help se passengers Mail, Express, Humsafar, Rajdhani, Shtabadi, Duranto, Gatiman Express aur tejas express jaisi train me food order kar sakenge. Isme payment ke liye prepaid aur Postpaid dono trah ke option milenge. Filhaal ish baat ki jaankari nahi di gai hai ki ye khana pentry Car se bankar aayega ya bahar ka khana milega.

Menu-On-Rail-App

Yanha sabse acchi baat ye hai ki food order karne se pehle aap rate list check kar payenge. Basically Veg aur Non Veg ke alawa foods ki 4 categories banai gai hai. Beverages, Breakfast, Meal aur A-la-Carte. Yanha aap ye bhi dekh payenge ki kisi meal ka price train ke andar kya hai aur Station par kya hai. To aap sahuliyat ke hisab se food order kar payenge price list dekhkar. Issey manmane wasuli par bahut hadd rok lag sakti hai.

IRCTC Ki New Website

Ummid hai aane wale dino me Railway ki Services aur bhi better hongi. Railway ne apni IRCTC site ko bhi new look diya hai. Waise to sabhi options Old sites ki trah hai. Lekin bahut kuch update bhi kiya hai. Ek jo sabse best chij hai wo hai train ticket booking karte samay uske confirm hone ki probability ya prediction bhi di jaa rahi hai. Saath hi interface ko change kiya hai. Jisme aap pehle se behtar dhang train search aur iski booking kar sakte hain.



IRCTC Ki New Website Ke Liye Click Karein.

Rail Madad App Download Karein.

Menu On Rails App Download Karein.

 

Ye Bhi Padhein.

Ab Railway Counter Ticket Cancellation Online Karein

Cancelled train ticket Ka check Karein refund status Online

 

 

Ummid hai ish post se aapko help Milegi.  Post ko share kijiye Jissey Dusron ko help mil sake. 

Post Ko Share Kijiye
  • 5
  •  
  •  
  •  
  • 1
  •  
  •  
  •  
  •  
  •  
    6
    Shares

7 comments on “Railway Ne Lauch Kiye ‘Rail Madad’ Aur ‘Menu on Rails’ App

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.