mobile-tower-radiation-se-cancer-tarang-sanchar

Kya Mobile Tower Radiation Se Cancer Hota Hai? Jane Apne Area Ke Towers Ki Sabhi Details

mobile-tower-radiation-se-cancer-tarang-sanchar


Mobile Tower radiation se cancer hota hai? Kya Mobile Tower Radiation aapki health par bura asar daalti hai. Bahut logo ka aisa mannna hai ki mobile tower ke radiation kai trah ki bimari hoti hai. Iske chalte kai log apne ghar ke aas paas tower nahi lagane dete hain, Yanha tak ki kuch societies ya colonies to tower na lagane ke liye court tak chali jaati hain. Kuch aise hi incident hume pichle saal dekhne ko miley. Isme se adhiktar mamle Reliance Jio ke vibhinn jaghon par mobile tower lagane se judi thi. Logo me mobile tower ko failey ish bhram ko mitane ke liye tatkaalin Telecom Minister Manoj Sinha ne “Tarang Sanchar” naam se ek online portal launch kiya hai.

Tarang Sanchar Online Portal Kya Hai?

Tarang Sanchar Bharat sarkaar ka online portal hai. Jisey Department of Telecom (DoT) ke dwaara Telecom Minister Manoj Sinha ne launch kiya hai.  Ish Portal ki help se Electromagnetic Emission yani ki mobile tower se niklne wale jo waves   (Tarange) hain unko lekar jo logo ke bich bhram hai usko mitne ki kosish ki jayegi. Ish Portal ki help se aap kisi hi area me maujood Mobile Tower ki location aur bahut se information ka pata laga sakte hain.

Tarang Sanchar portal launch hone se pehle ek behad hi chaukane waala mamla samne aaya. Gwalior (Madhya Pradesh ) ke ek vyakti jinki age 42 saal thi usne ek complaint file karwai thi ki ghar ke paas majud mobile tower ke radiation se usey cancer ho gaya hai. Desh me pehli baar aisa hua ki kisi ek vyakti ki shikyat par wanha se pura mobile tower hi hata diya gaya ho. Ish trah ki ghatnao ko rokne keliye hi ish portal ko launch kiya gaya hai.

Jankari ke anusaar ish portal ko lambe samay se develop kiya jaa raha tha. Iskihelp se aap apne aas paas maujud Tower dekh sakte hain. Yanha aap 4,68,324 Mobile Towers aur 17,73,639 Base Transreceiver (BTS) ka data hai.  Ye Data update hota rehta hai. post likhe jane tak 30 april 2018 tak ka data update hai. Aap in tower ke types 2G/3G/4G pata kar sakte hain saath hi ye EMF ke parameters ko follow karte hain ya nahi sab pata kar sakte hain.

Yanha main aapko bata dun ki main khud ek telecom engineer hun, Aur mera field bhi Network Testing ka hai,To main in chijo behtar dhang se aap tak lane ki kosish jarur karunga.

Tarang Sanchar Portal Ka Use Kaise Karein?

Tarang Sanchar Ke Portal par visit karne ke liye aap https://tarangsanchar.gov.in/EMFPortal/Home Click karein. Ish portal ko bahut hi informative banaya gaya hai. Waise to yanha bahut sari information di gai hai. Jo sabse intresting hai wo hai kisi area ke me lage towers ko find karna aur unki details nikalna.

Home Page par hi aapko “Locate Telecom Tower in Your Area” ka option mil jaata hai. Ynha ya to aap apne area ka naam ya pincode daalkar bhi ush area ko search kar sakte hain. Area Search karne ke baad aapko tower details aur emf status pata karne ke liye kuch details deni hogi. Jisme aapka naam email aur mobile number maanga jaata hai. Details fill hone ke baad aapke Email par OTP (One Time Password) Bheja jaata hai. Jisko enter karke verification pura kar lena hai.

Ab aapke samne area ka map open ho jaata hai. Aur fir Sabhi Mobile towers ki Pin Location aapke samne aa jaati hai. Yanha Towers ke types ko 3 part me divide kiya gaya hai. Ground Based, Roof Top aur Wall Mounted.




Ground Based Tower: Ground based towers aise hotey hain. Jinhe jamin par lagya jaata hai. Inki ek specific height hoti hai. Roof Tower: Jaisa ki aap naam se hi samjh rahe hain ye towers gharon ya buildings ke roof par lagye jaate hain. Wall Mounted Towers: Ye indoor ya outdoor dono ho sakte hain. inhe walls par fit kiya jaata hai. Maan lijye koi sankri gali ya rasta ya busy market hai to aisi jagah wall mount tower install kar diya jaata hai, Metro Stations, ya bade apartments me bhi indoor isko install kiya jaata hai.

Jaisa ki aap dekh sakte hain maine apne Home Bihar, Darbhanga ki loction choose kari hai. Yanha main aas paas lage sabhi towers dekh sakta hun.

Aap Yanha kisi bhi tower par click kar ke uski details pata kar sakte hain. Ush tower ka address dekh sakte hai. Tower pe kis operator ka antenna laga hua hai. Tower ka type kya hai. Sab pata kar skate hain. Saath Tower ki pic bhi aapke samne aati hai. Aur agar issey bhi adhik details aap pata karna chahte hain to “additional information” par click kar dein aapke mail par details bhej dei jaati hai.

 

Dekha jaaye to ye portal sach me bahut shandaar hai. Abhi se pehle india me aisi koi public portal nahi thi. Kuch operators ne Open Network de rakha hai. Jissey aap proper usi opertaors ke tower dekh paate hain. Lekin Yanha sabhi operators ke Mobile Tower ki information bahut aasani se aapke paas aa jaati hai.

Humare Yanha subscribers in baaton par utna dhyaan nahi dete, Lekin  hassle free telecom service prapt karna ek user ka haq hai jiske liye uers ko thoda jaagruk hona padega. Main ek telecom engineer hun ish hisaab se to ye site bahut hi sahi hai mere liye. Kisi area me lage towers ki information aap ghar baithe nikal sakte hain.

Accha agar aapko lagta hai ki aapke colony me ya area me radiation bahut adhik hai. Ya fir mobile tower se judi koi aur samsya hai to aap ne jo mail ke liye request kiya hai wanha aapko “Would you like to request for a Public measurement?” ka link milta hai. Janha par jaa kar aap on site survey karwa sakte hain. Jiske liye aapko 4000Rs pay karne hoge. Iske baad wanha department se jude adhikari aayenge aur survey complete kar ke jayenge.

Aap bhi chahein to apne aas paas ye survey karwa sakte hain. Ya fir area ke log mil kar contribution kar ke bhi kar sakte hain. Basically mera kaam yahi hai. To main next post telecom ke bhi bare me likhunga. To ab post ko aage lekar jaate hain aur baat karte hain Mobile Tower se niklne wale wave se kya radiation hota hai.

Kya Mobile Tower Radiation Se Cancer Hota Hai?

Agar ish sawal ka jawab diya jaye to nahi.. Mobile Tower radiation se cancer nahi hota hai. Iske piche ye tark diya jaata hai ki mobile Tower se nikalne wali waves itni strong nahi hoti hai ki wo aapke body pe koi effect daal sake.  Indian Radiology and Imaging Association ke president Dr. Bhavin Jhakhariya ke anusaar “Hum X Ray radiation ke bich 115 saalon se bhi jyada samay se rahe hain. Lekin abhi tak radiation aur Cancer ke bich ke sambandh ka pata nahi chal paya. Lekin mobile Tower Radiation ki baat karein to ye alag trah ki baat hai. Mobile Tower ka radiation bus ek trah ka radiation hai ye puri trah X-Ray jaisa radiation nahi hota hai. Isliye issey koi haani nahi hoti hai.”

Wanhi dusri traf Indian Institute Of Science ke Prof. Vasant Natrajan ke anusaar “CellPhone se niklne wale Photon Particles me itni energy nahi hoti hai ki aapke Body ke DNA me koi changing kar de. Suraj se earth tak aane waali energy 1000 watt/meter square hoti hai jo ki humare liye nuksaandayak hota hai.” Dhoop me khade hone se body ko vitamin D milta hai lekin bahut time tak khade hone tak Heat Stroke ya Sun Burn ho sakta hai. Isliye kisi bhi chij ki adhikta body ko nuksaan pahuncha sakti hai.  Isi chalte Mobile Tower ko lekar bhi kuch safety parameters ka khyal rakha jaata hai.

Ab agar mobile Towers ki baat karein to ye humare bich pichle kuch 30-40 years se hain. Mobile Tower ke human effects ko lekar World Health Organisation (WHO) samet kai organisations ne research kiya hai.Iske saath hi vibhinn desho par ki gai karib 25 hazar studies ki gai. Jisme ye bataya gaya ki Mobile Tower Radiation aur human ke health me koi relation nahi hai. Yanha tak ki India me bhi kai baar bataya gaya hai ki safety rules ko follow karne par mobile tower se health par kisi trah effect nahi hua hai.  India me iske liye kai kade surksha maanak hain.



India Me High Court Committee Se Jaari Kiye Gaye Direction

Allahabad High Court ki traf se January 2014 me gatith ki gai ek committee ke mutabik cellphone aur inke tower se nikalne wali Electromagnetic Field (EMF) emission se human body ke upar kisi trah ka effect nahi padta hai. Bharat sarkar bhi ish mamle me strictly nigrani kar rahi hai aur India me ish mamle me kai kade surksha niyam bane huye hain. Rules ka paalan na karne par companies ko 10 lakh tak jurmana bhi lagyaa jaa sakta hai.

Telecom Department ne apne ish naye portal Tarang Sanchar par kai trah ke research aur information de rakhi hai. Iske saath hi ish topic par video article bhi diye huye hain.

Ye Bhi Padhein

TRAI MyCall App- Apne Call Ki Quality Ki Ratings TRAI Ko Batayein

Indian GPS Navic – Google Maps Ki Jagah Lega Desi GPS NavIC

Apne Smartphone Ko Satellite Phone Me Kaise Convert Karein?

Ish baare me aapke koi sujhaaw hon ya telecom se judi aur bhi koi jaankari lena chahate hain to hume comment karke jarur batayein. Post ko Share kijiye taaki dusro ko bhi iski jaankari mil sake.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.