Meri-Sadak-Android-App

Meri Sadak Mobile App

India ek developing country hai. Aaj jis trah se adhunikikaran ki traf hum log badh rahe hain. Humare liye eduction, Home, Internet ye sab jaruri hai. Lekin development ki buniyaad ko majbut karne me kanhi na kanhi Sadkon ka bhi bahut bada yogdaan hai. Bharat me sadkon ki condition se to acche se parichit honge hi, mujhe nahi lagta hai isme mujhe kuch batane ki jarurat hai par ish samsya se nijaat dilane ke liye Government ne bnaya hai Meri Sadak Mobile App. Aaj hum aapko batyenge ki Meri Sadak Mobile App  kya hai aur kaise kaam karta hai.


Kya hai Meri Sadak Mobile App

“Meri Sadak” ek mobile app hai jo users ko State governments ya National Rural Roads Development Agency (NRRDA) me nodal departments ko PMGSY (Prdhanmantri Gramin Sadak Yojna) sadko ke karyon ki gati, kaam ki gunwatta etc ke bare me apni feedback dene me saksham banata hai. Users roads sites ki photo le sakte hain aur pratikriya ke saath submit kar sakte hain.

Aapki pratikriya submit hone ke baad, users ish app ke madhyam se uski feedback ke niwaran ki nigrani kar sakta hai.  PMGSY laagu karne nodal departments ke sambdhit State Quality Coordinators (SQCs) users ko last feedback pradaan karenge. Issey hum ye ummid kar sakte hain ki issey PMGSY (Pradhanmantri Gramin Sadak Yojna) ki pranali aur bhi behtar aur transparent ho jayegi.

 

Bharat me rehne me logon ki Water Electricity ke alawa ek bahut hi badi samsya hai roads ki. Apne yanha Highways ka nirmaan to bahut teji se ho raha hai. Lekin village aur chote sehron ke roads aaj bhi apni sthiti ko byaan karte hain. Kanhi naale hain to sadak nahi, Kanhi sadak hain to naale nahi. Main bihar se hun aur agar yanha ki baat kru to barsaat ke samay sadak aur naale ek saman ho jaate hain. Roads pe bade aur chote gaddhe to aam baat hain.

Aaj desh me bahut se log smartphones ka use karte hain. Yanha main ye bhi bata dun ki adhiktar smartphones users selfie lene ke chakkar me india me jaan se haath dho baithte hain. Aur kharab sadkon ki wajah se road accident ki ghatna to saamnya baat hai.

Mere blog ke bahut se readers honge jinke aas paas sadkon ki haalat bahut kharab hogi. Aise me wo agar thode jaagruk bane aur selfie ke alwa roads ki photos lekar Meri Sadak Mobile App par apna feedback dein, to ho sakta hai dheere dheere bharat me roads ki sthiti thodi sudhar jaaye.

Chaliye ye baat ho gai jaagrukta ki. Ab ye jaan lete hain ki Meri Sadak aap ka use kaise karein. Download kaise karein. Yanha main step by step aapko bataunga.

Meri Sadak Mobile App Kaise Use Karein?

#1. Sabse Pehle Meri Sadak Android App Play Store se download kar lein.

#2. App download karne ke baad aapse kuch permission mangega jisey aapko allow kar dena. Iske baad jab app hota hai aapse language select karne ko pucha jaata hai. Yanha hindi aur English ke alawa aur bhi kai languages hain. Jaise Bengali, Gujrati, Marathi etc. Language select karne ke baad Next par click kar dein.

#3. Ab Yanha aap me aapko Signup karna hai, Agar aap First time ish app ko use kar rahe hain to. Yanha aapko apna Name, Password, Mobile Number, Email Address aur Complete address dena hota hai. Iske baad Signup par click kar dein.

#4. Signup process hone ke baad Sign in karne ke liye aapse dubara aapka registered mobile number maanaga jaata hai. Jisey enter karke aapko Sign in karna hai.

#5. Ab aap par aap login ho chuke hain. App ke home screen par aapko  Add Feedback ka option show hota hai. Yanha aapko click karna hai. Yanha click karne ke baad aapko Select Photo me Take Photo or Choose From Gallery ka option milta hai. Agar aap Road site par hain to Take Photo par click karein. Ya fir ush road ki photo aapke phone me hai to Choose From gallery option ka use karein.

Meri-Sadak-Android-App


Photo Click karne ke baad Next Option ka use kijiye uske baad Fill Details me ush location ki details enter kijiye. FeedBack area Select karein. Remark me aap road se related points likh dein. Jnah ki photo aapne di hai wanha ka state, District, Block, Road ka name, Village ka name aur Habitation Name me Wanha ki locality enter kar dein. Aur save kar dein. Aapka request Submit kar diya gaya hai. Ab Finally submit option par click kar dein.

Meri-Sadak-App

To ish trah se aap apne kharab road ki jaankari goverment tak Meri Sadak Mobile App ke dwara pahuncha sakte hain. Aapko ish app se koi benifit mila? Aapne koi complaint registered ki hai hume comment me jarur batayein.

Yanha main aapko bata dun App ke Home Screen par Government ke dwara completed projects bhi najar aate hain. Issey to yahi lagta hai ki government app par behje gaye complaints seriously le rahi hai.

Post ko share kijiye taaki dusron ki bhi help ho sake. Wo bhi apne kharab Sadkon ki jaankari Goverment tak pahuncha sake Dhanyawaad.

Ye Bhi Padhein.

Top 10 Digital Marketing Blogs in India

How To Find Lost SmartPhone: Google Ki Help Se Trace Karein Apna SmartPhone

Mathematics Solve Karne Ke Liye Best Android Apps – Phone Par Karein Mathematics Solve

Post Ko Share Kijiye
  • 12
  •  
  •  
  •  
  •  
  •  
  •  
  •  
  •  
  •  
    12
    Shares

1 comment on “Meri Sadak Mobile App

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.