Kya Hoga Agar Internet 1 Minute Ke Liye Band Ho Jaye?

India Me Reliance JIO aur Digital India Program ka asar kahein to bahut teji se Indian Population Internet se judi hai. Jo Acchi baat hai. Aise me  Kya Hoga Agar Internet 1 Minute Ke Liye Band Ho Jaye? Aapko kya lagta hai aisa kuch khaas fark nai padega. Lekin aap galat soch rahe hain.

Aksar mujhe ghar pe daant padti hai apne parents se ki jab dekho phone laptop saara din internet par.

Mummy to sabse adhik pareshaan hoti hai kehti hai Ghus kyu nai jaata phone me. Pata nai 1 Min ke liye internet band kar dega to kya ho jayega. I hope agar aap bhi internet ya gadget adhik use karte honge to aapko bhi kuch aisa hi sunne ko milta hoga.

Lekin aaj ish post me aapko Ye jaan kar bahut hairat hogi ki agar sach me bus 60 seconds ke liye internet band ho jaye to bahut musibat ho sakti hai. To aaiye jante hain kaise?

1 minute Me Internet Par Bahut Kuch Ho sakta hai.

Internet Me data 0’s aur 1’s ke Form me flow hota hai. Aur 1 minute me 1422 TB (Tera Byte) Data Flow hota hai bus 1 minute me. 1422 TB – 1422000 GB  -1422000000 MB

Jo ki 0 and 1 data ka bahut bada form hai. Agar ish data ko Human DNA me convert kar diya jaaye to iski length ho itni ho jayegi ki ye Earth aur Sun ke bich ke distance ko 4.5 times Cover kar sakti hai. (149.6 Million * 4.5)

1 Minute me Jintni searches globally hoti hain utni searches karne me. Agar aap Roj ke 100 Searches bhi karte hain to aapko 120 Years lag jaynge.

1 Minute me Jitni mails bheji jaati hain. Agar inko Chitthiyon me bheja jaye to ye itni ho jayengi Jitni humari indian post 5 Years bhejti hai. Yani 150 Million mails. Arey Yaar 5 saalon me to apne yanha sarkaar bhi badal jaati hai.

1 Minute me Facebook ke upar kitna kuch ho jaata hai Kabhi Socha hai aapne . Agar nai Socha To Hum batate hain. Har Single Minute me  701389 Peoples Log in karte hain.  4.6 Millions Like Hote hain aur 1.3 Million Post Hote hain.

1 Minute Me Twitter ke upar 347,222 Tweets kiye jaate hain. 1 minute Me twitter par hone wale sabhi Tweets ko add kar dein to Holy Bible ki 13.6 Copies Taiyaar ki jaa sakti hai. Thank God ki word Limit 140 Character ki thi.

Snapchat par 1 minute me post kiye jane wale sabhi snaps ko 22 mm ki reel me convert kar diya jaye to uski length Loard Of The Rings Trilogy jitni Hogi. 527760 Snaps 1 minute me Snapchat par post hote hain.

1 Minute liye Internet Band Ho jaye to pata hai iska whatsapp ke upar kya effect aayega.  Whatsapp par 1,38,000 Voice Messages.  4,8000 Photos, 20,800,000 Messages Send nahi honge.

Aur Tinder Par 972222 Swipes Nahi Honge Agar 1 minute ke liye internet band ho gaya to.

1 Minute Internet band hone par Youtube Ke Content Scanner par utne video scan nahi honge. Utni Der World War 3 baar khatam ho sakta hai. Kehne ka matlab 146000 Hours video ke Youtube 1 minute me scan karta hai.

1 Minute Internet Band Hone Par World Economy Par Effect-

Agar Internet 1 Minute ke liye band ho jaye to Youtube Ka 7.14 Lakh,  Facebook Ka 22.85 lakh, Google Ka 93.81 Lakh, Non Cash Transaction ke chalte 5.38 Crore, Global Stock Exchange ka 1072.4 Crore ka Transaction nahi ho payega. Itne Me Sajahan 5 Taj Mahal Banwa sakta tha wo bhi alag alag shades me….

To Agli baar aapka koi Friend ya Family koi ye kahe ki Yaar “1 Minute Internet Band hone se kya fark padega” To aap unke paas ye post share kar sakte hain. Aur aapko ye post share bhi karni chahiye. Main aise hi Technology si judi interesting baatein  aap tak pahunchata rahunga. Regular Updates ke liye Humare social media accounts se connect rahein.

 

Leave a Comment