Indian Users Ke Liye Top Bitcoin Wallets: Bitcoin Mining Guide

Mitron maine previous post me Bitcoin Se Judi Sabhi Jankari aapko de di hai. Ab Bitcoin Wallet Kya hai aur Indian Users Ke Liye Top Bitcoin Wallets iske baare me main aapko Bataunga. Agar aap Bitcoin Wallet Kya hai iski jaankari chahte hain to main aapko recommend karunga aap humare Previous Post Ko pehle padhein, Taki aapko Ye samjhne me aasani ho ki Bitcoin Wallet Kya hai aur Indian Users Ke Liye Top Bitcoin Wallets kaun se hain?

Bitcoin Kya Hai?

Bitcoin Mining Kya Hai?

Unocoin Ki Help Se India me Bitcoin Kaise Khariden?

Bitcoins Ko Mine karne ke liye Kharidne avem Bechne ke liye jaruri hai Bitcoin Wallet Ko setup karna. Agar aap Bitcoin Minner hain to Copay ek shandaar Bitcoin Wallet hai. Jo ki different types ke operating system par work karta hai. Iske alawa Bitcoin Hardware Wallets bhi available hain.

Bitcoins aapke bitcoin wallet me ek unique address ka use karke bheja jaata hai. Aapke Bitcoin Wallet Ko setup karne ka sabse important step hai two-factor authentication  ko enable karke usey secure karna, ya usey aise offline computer me rakhna jisme internet ki service na ho. Aapke Computer me ek software client ko download karke Wallet Prapt kiye jaa sakte hai.

Iske Baad Yanha hum India me Popular Bitcoin Wallets ke baare me bhi aapko batayenge.

Yanha kai trah ke secure Bitcoin wallets available hain. Lekin Bitcoin Wallet aisa ho janha aapko puri security miley saath Bitcoin transaction ke liye aapko kam fee deni pade.

Bitcoin Wallets Ke 4 types hain:  Online wallets, Hardware wallets, Software wallets, aur Paper  wallets.

Agar main Secure wallets ke rup me aapko batau to.

Hot Wallets:- Ye wallets aapke Jeb ke wallets ki trah hi hotey hain. Hot Wallets wo wallets hain jo aapke internet se jude devices Jaise Phone/Computer/Tablets aadi se chalte hain. Internet se jude hone ki wajah se yanha Security Khatra thoda badh jaata hai.

Cold Storage Wallets:- Ye wallets aapke saving accounts ki trah hi hai. Matlab ki puri trah se safe. Yanha aapke paas puri surkhsa hai koi khtra nai hai. Cold Storage Wallets me Private Keys banai jaati hain Jinhe Offline Store kia jaata hai. Aise Private key jo offline store kiye jaate hain unme risk na ke brabar hai kyunki yanha koi hacker ya malware aapke coins ko chura nai sakta.

Yanha main Kuch Bitcoin Wallets ki jankari aapko dene jaa rah hun.

Coinbase(Bitcoin & Ethereum Wallet)CoinBase Bitcoin to Bitcoin Lenden karta hai. Yanha BTC TO BTC transaction ki fee 0.00113 hai. jo faster network ki guarantee deta hai. Iske alawa bitcoins ki security ke liye  2FA Authentication security ko add karta hai. Lekin ye ek custodial service (hirasat sewa) wallet hai, janha Aur aapke paise apne khud paise ka koi niyantran nahi hai. Yanha aapka paisa rakhna jokhim bhara hai isliye yanha badi amount me raashi na hi rakhein.

Electrum ( Electrum Bitcoin Wallet): Electrum ek desktop wallet hai. Iski speed aur uyog me aasani ke karan ye popular hai. Electrum ka upyog aapko cold storage wallet ke rup me bhi kiya jaa sakta hai, agar aapke paas ek extra computer hai to usko offline ke liye kaam me liya jaa sakta hai. Saath hi electrum kai aur features bhi deti hai jaise onnecting through Tor, multisiganture wallets, integration with hardware wallets etc.

Armory ( Best Bitcoin Wallet Armory ): Armory ek desktop wallet hai. Agar aapke paas crore rupay se adhik hain to ye secure wallet hai. Isme ek lockbox ka feature hai jisme kisi bhi transaction ko approve karne ke liye 7 (Seven) Co signers ki jarurat hoti hai. LoxBox party dwara banaya ek group hai jisme 7 Key ke rup me un sabhi ke signature anivarya hain kisi len den ko approve karne ke liye. Ye ek samadhan hai presonal use ya kisi organisation ko security ke liye. Armory ek prakar ka cold storage Wallet hai.

 

Ab aaiye India Me popular Kuch Hot Wallets par ek nazar daalte hain.

Zebpay( Zebpay Bitcoin India): Yanha aapko secure Bitcoin Wallets milta hai, Bitcoins ke higher Price bhi milte hain par Bitcoin se Bitcoin me (BTC TO BTC) transaction ke liye 0.0002 fee deni hoti hai. Agar bitcoin kuch amount me kharidna pasand karte hain to ye sahi kaam karta hai. Mujhe lagta hai kuch amounts ye cold storage wallets me rakhte hain. Fir bhi main aapko suggest karunga isme bada amount na rakhein. Zebpay par transaction ke liye aapko Android/Ios ke official app ki jarurat hoti hai.

Unocoin( Unocoin | India’s Bitcoin Company ): Unocoin ko aap Zebpay ki Trah use kar sakte hain. Aap isey direct site se bhi kharid sakte hain. Unocoin se purchase karna bhi bahut easy hai.

coinsecure ( Coinsecure | India’s Best Bitcoin Exchange, Wallet & Api ): Yanha anya wallets ke mukable exchange rate bahut hi kam hain, Ye Unocoin ke similar hi hai. Aapko acchi service aur support bhi yanha milta hai.

Bitcoin-india( Bitcoin India): Iske use ke bare me mera koi khaas experience nahi hai. Lekin Company dawa karti hai ki aap Yanha apne Bitcoins ko Etherium or Etherium se Bitcoin me exchange kar sakte hain. Company ke mutabik yanha bitcoins sell karne ke liye company koi mulay nirdharit nahi karti hai. Users apne rates ko fix karke bitcoin ko sell ya buy kar sakte hain. Bitcoin India ka Mobile E Wallet aapko digital token jaise ki Bitcoin (BTC), Ether (ETH), Litecoin (LTC), aur Dashcoin (DASH). ke madhyam se surkshit rup se transaction karne deta hai.

BTCXINDIA (India’s leading Bitcoin Exchange ): Yanha kisi bhi other exchange service se Bitcoin low price par milta hai. Saath hi Transaction Fee 1% hai including taxes. Chahein to isey try kar sakte hain.

To ye kuch india me popular aur Popular ho rahe Bitcoin Wallets hain. Next Post me Bitcoin Wallets ko acche se explain karunga sabhi Terms ko wanha acche se explain karunga. Yanha overall aapko bitcoin wallets ki jankari mil gai hogi.

To aap kaun se bitcoin wallets ka use karte hain. Ya Bitcoin wallets se related koi bhi question hai to hume comments me jarur me bataiyein. Saath hi post ko share karna na bhulein.

 

 

 

 

 

 

4 Comments

Add a Comment

Your email address will not be published. Required fields are marked *