gst-kya-hai

GST Kya Hai? GST Online Registration Kaise Karein?

1 July 2017 se GST purey desh me officially lagu kar diya gaya hai. GST kya hai? GST kitne Types ke hain? GST ke liye online Registration kaise karenge Ye sabhi jankari aapko yanha milegi. GST Jiska Matlab hai Goods and Service Tax. Hum sabhi jante hain ki Desh me GST se pehle kai trah tarah ke Tax dene hote they Jinko khatam kar ke ek Tax System laya gaya hai jiska naam hai GST.

GST Kya Hai?

India me Public ke upar Pehle do trah ke tax lagte they Direct Tax aur Indirect Tax. Sale Tax aur Service Tax Indirect Tax ki Category me aate hain. Income Tax aur Corporate Tax Direct Tax ki category me aate hain. Samvidhan me 122ve Sansodhan videhyak ke dwara ke sabhi indirect Tax ko khatam kar ke 1 July se bus 1 tax lagaya jiska naam hai GST (Goods and Service Tax) . हिंदी में GST का मतलब है ” वस्तु एवं सेवा कर “. Duniya Bhar ke 150 se adhik desho me ish trah ka tax system pehle se hi lagu kiya jaa chuka hai.

Types Of GST

GST kya hai Ye to aapne samjh liya ab baat karte hain GST ke types ki Yani kitne prakar ke GST hain. GST ke 3 types hain.

#1. CGST– CGST ka matlb hai Central Goods and Service Tax. CGST se jo Revenue Collect hoga wo sidha Central Goverment ke hissey me aayega. Central Government ke dwara jo pehle Tax lagaye jaate they wo they  central taxes of Central Excise Duty, Central Sales Tax CST, Service Tax, Additional excise duties, excise duty levied under the medical and toiletries preparation Act, CVD (Additional Customs duty – Countervailing Duty), SAD (Special Additional Duty of customs) surcharges aur cesses . In sabhi tax ko khtam kar ke ab Central ki traf se ek Tax Lagega CGST.

#2. SGST– SGST ka matlab hai State Goods and Service Tax. SGST se collect kiya gaya revenue jayega State Goverment ke paas. State Goverment ki traf se jo pehle tax lagte they wo hain. State Sales Tax, VAT, Luxury Tax, Entertainment tax (unless it is levied by the local bodies), Taxes on lottery, betting and gambling, Entry tax not in lieu of Octroi, State Cesses aur Surcharges in sabhi tax ko khtam kar ke ab Ek tax lagega SGST jo state Goverment ke liye hoga.

#3. IGST – IGST ka matlab hai Integrated Goods and Service Tax. IGST tax tab lagta hai jab aap apne saaman aur services ko Ek state se dusre state me bhejte hain. Jaise ki apne bihar se odisa apne Saaman (Goods) ko bheja to uspar IGST lagega. IGST ka Revenue Central Government aur State Government dono ke paas jayega. Jiska rate authorities fix karti hain.

GST Ke Liye Registration Jaruri

GST lagu hone ke baad aam nagriko sahit iska asar bade ya chote sabhi investor aur vypar jagat par iska effect padega. Jo bhi vyapari 20 lakh se adhik ka salana vyapaar karta hai uske liye GST Registration anivarya hai. Jo bhi interstate aur E commerce ke dwara business karte hain unke liye bhi Registration jaruri hai. Saath hi aise taxpayers jo VAT aur Service Tax me Registerd hain unke liye bhi GST Registration Jaruri hai.

GST Ke liye Online Registration Kaise Karein?

Agar aap pehle se hi VAT, Service Tax, Central Excise tax payer hain to aap GST ke liye aasani se Enroll ho sakte hain.

#1. GST Ki Official Website www.gst.gov.in ko open karein.

#2. Website ko open karte hi aapke samne kuch ish trah ka Home page open hota hai.

Agar aap Normal Tax Payer hain ya GST Practitioner hain aap Register now par click kar dijiye.

 

GST-ONLINE-Registration

#3. Yanha aapko apna naam, pan card, email id, mobile number aadi sabhi details fill karne hain.  Details Fill karne ke baad Proceed par click karna hai.

Details Fill hone ke baad GST ke portal par aapka PAN Number Verify kia jaata hai. Saath hi mobile number aur Email Id ko OTP (One Time Password) ke dwara verify kia jaata hai. Verification ke baad aapke registered mobile Number aur Email Par Reference number bhej Diya jaata hai.

Yahi Reference number aapka TRN ( Temporary Reference Number ) hota hai.

#4. Ab TRN mil jane ke baad GST Registration ka Part B aapko Pura karna hai. New Registration me hi aapko TRN ka option mil jaata hai aapko Simply TRN (Temporary Reference Number) ko tick karna hai aur sms ya Mail par jo TRN bheja gaya hai usko Enter kar dijiye. Fir Captcha Code Enter karne ke baad proceed kijiye.

Gst-Trn

Proceed karne Ke baad aapko Fir se OTP aapke mobile ya Email par bheji di jaati hai. Otp Enter karne ke baad proceed kijiye.

#5. Ab aap Apne application ke Dashboard par hain. Yanha aapke application ka status Draft me batayega. Yanha Action Section me Edit par click karein. Click karne ke baad ab next by next sabhi details ko dhyan ke saath fill karein. Yanha aapse Kuch documents upload karne ko bhi kaha jayega. Iske baad aapka status pending show hoga jo verification ke baad  active kar diya jayega.

Note- Sabhi Mandatory Field ko jarura fill karein. Proper aur sahi Documents Upload karein. Sabhi details correct dein. Aagar aap aisa nai karte hain to aapka application reject kar diya jayega.

Ek aur baat ka khyal rakhein GST me enroll hone ke 15 days ke andar hi sabhi process ko online complete kar dein warna aapka application delete kar diya jayega.

GST HELP MODULE

GST Ko lekar abhi bhi bahut logo me sanshay ki sthiti bani huie hai. GST ke portal par aapko Help module mil jayega jisme video aur lekho ke dawara GST ke baare me sabhi details di gai hai. Aapko GST se judi koi bhi jankari chaiye to GST HELP MODULE ko aap dekh sakte hain.

GST HELP DESK

GST se judi kisi bhi Help ke liye aap GST help desk me call kar sakte hain ya Helpdesk.gst.gov.in par mail kar ke apni samsya ka samadhan paa sakte hain. GST help Desk ko call karne ka no hai 0120 – 4888999.

#GST

 

Aapki GST ke baare me kya rai hai. Hume batayein saath hi agar GST registration se lekar aapko problem aa rahi hai to hume comment me jarur batein. Post ko share kijiye taki dusre bhi ish naye tax system ko samajh payein. Logo me jo GST ko lekar sanshay bana hua hai wo dur karne me unki help ho payegi.

 

Leave a Comment