Google-Local-Guide-Kaise-Banein-Aur-Reward-Point-Earn-Karein?

Google Local Guide Kaise Banein Aur Reward Point Earn Karein?

Aaj hum kisi bhi business, hotel, mall ya kisi place aur service ko search karne ke liye google search ya google maps ki help lete hain. Google maps ne apne search results aur reviews ko perfect karne ke liye Google Local Guide ki service shuru ki hai. To aaiye jante hain kaise aap bhi Google Local Guide Kaise Banein Aur Reward Point Earn Karein?



Google Local Guide Google maps ka ek public program hai, yanha aap google maps par aap kisi missing place ko add kar sakte hain. Aap 1 to 5 ke bich star rating de sakte hain, place se related photo upload kar sakte hain, aur review de sakte hain. Aur iske badle kuch reward point earn kar sakte hain.

Aaj kisi bhi location ko search karne ke liye hum google maps ka use karte hain. Google maps ne accurate aur correct data apne users tak pahunchane ke liye Google local guide program ko start kiya hai.

Ab ye jaan lete hain ki Google maps par contribute kaise kar sakte hain?

Aur Google Local Guide aap kaise ban sakte hain?

Google Local Guide banne ke baad aap wanha contribute kaise kar sakte hain?

Apna Reward point kaise check kar sakte hain?

Google local guide ke Reward Points Jo Milenge uske kya benefits hain? Ye saare answers aapko ish post me mil jayenge bus aapko ye post last tak padhna hai.

 Google Local Guide Kaise Banein

Google Local Guide koi bhi Google Map user ban sakta hai. Bus aapke paas ek smart phone ke saath data connection hona chahiye aur aapke phone me google maps app installed hona chahiye aap Google Local Guide ban sakte hain aur maps ke liye contribute kar sakte hain.

Local Guide Join karne ke liye Google  Local Guides par Jaana hai aur Start Contributing par click kar ke apna account bana lein. Aap  Google Local Guide me add ho jayenge. Yanha Main aapko bata dun ki local guide aapki age 18 ya ussey adhik honi chahiye.

Agar aap Google Maps apne phone me use kar rahe hain to aapko Menu me Your Contribution ka option mil jayega janha se aap apne contributin aur points Check kar sakte hain.

Google-Maps-Your-Contributions

Ab Your Contribution par jaake aapko google maps ke liye contribute karna hai.

Google maps par contribute kaise kar sakte hain?

Google Maps par Contribute karne ke liye aapko ush place ki thodi information honi chahiye. Taki aapki information dusron ke liye helpful ho. Ab aap yanha kisi public place ke liye

  • 1-5 ke star Ratings kar sakte hain.
  • Proper us jagah ki Photo Click karke Upload kar sakte hain.
  • Review likh sakte hain.
  • Koi place Google Maps par missing hai to usko add karne ke liye Google Maps ko request kar sakte hain.

Yanha main aapse ek baat kehna chahunga ki aapko Ratings, Reviews, photos jo bhi aap ush palce ke baare wo information correct ho. Kyunki aap ke alawa kai aise log hain jo aapke reviews ratings aur photos ko dekh kar ush place ke bare me janenege. To aapka har review valuable hota hai.

Google Maps Par New Place Discover Karein Aur Review Likhein.

Aap agar kisi nai jagah visit karte hain to aap wanha ka review likh sakte hain. Ya aap google maps par kisi place ko search karke review likh sakte hai. Aapko google maps par login karna hai aur Write a Review par click kar ke review likhna hai.

Aap  Maps Ke Your Contribution me review ko edit kar sakte hain. Delete kar skate hain. Aap apne reviews ko share kar sakte hain. Aur kisi aur ke reviews ko bhi like aur share kar sakte hain. Aagr aapko lagta hai kisi ne galat review ya photo upload ki hai to aap uski report kar sakte hain. Aap ush review ko flag kar sakte hain.

Google Maps par Photos add karein 

Review likhne ke baad aap Google maps par photos upload kar sakte hain. Aap baad me use Delete bhi kar sakte hain ya aapko lagta hai kisi ne galat photo to aap uski report bhi kar sakte hain.

Yanha main bata dun ki aap janha ka review de wanhi ki photo upload karein. Google Images ka kabhi use na karein kyunki Google Local Guide Community ke rules ke according aisa karna galat hai. Isliye humesa apni hi click ki huie photos upload karein.

Aap Panoramic photos (360 Photos) bhi Google Street View app se upload kar skate hain.

Questions Ke Answers Dein

Agar aapne kisi place ko visit karte ya uska  review dete hain. To your contribution me (“Know this place?”) me aapse us place se related kuch question puchta hai. Jiska anwers aapko Yes  or No me dena hota hai. Agar aap puche gaye question ke bare sure nai hain to aap Not Sure bhi kar sakte hai.

Missing Place Ko Google Maps Par add karein.

Aap Google Maps par missing Place Ko add kar sakte hain. Missing place ko add karne ke liye google maps ko suggestion bhej sakte hain. Jise verification ke baad Google maps approved karta hai.

Agar Apka business place pehle se hi Google map me index hai to aap Google my business se us business place ko claim kar sakte hain.



Google maps par add place ko edit kar sakte hain ya new information ki jankari update karwa sakte hain. Jo Google Maps ke review hone ke baad public ho jaata hai.

Earn Reward Point and Google Local Badge

Level 1: 0+ points

  •  monthly newsletter Subscribe kar sakte hain
  • Google ke dwara Hosted Workshop aur Hangout Me Samil Ho sakte hain.
  • Kuch Countries me Local Guides ke events aur prtiyogitaaaon me samil ho sakte hain.
  • Local Guides Connect ke conversation me samil ho sakte hain.

Level 2: 5+ points

  • Google ke new Products aur Features ko relese hone se pehle access prapt kar sakte hain
  • Local Guides calendar par apne meet up ko promote kar sakte hain.

Level 3: 50+ points

Level 4: 200+ points

Level 5: 500+ points

  • Eligible for Trusted Testing opportunities — Google ke products aur features ko sabse pehle access karne ka mauka
  • Local Guides Level 5 summit ke apply kar sakte hain.

Yanha aap Mere Reward Point Dekh Sakte hain.

 

 

To aap bhi Google Local Guide ban sakte hain. Aur ish post ko sahre kar ke dusron ko bhi banwa sakte hain. Aap Jitne Badhiya Reviews aur Real Photos, aur information update karenge utna hi Google Maps users help milegi.

10 comments on “Google Local Guide Kaise Banein Aur Reward Point Earn Karein?

      1. Hii sir mai level 5 mai hu aur maire point 525 hai lakin Google muze pay kaise karega pllll sir merei help karo muze call karke information do 8668421033

  1. Mere pas 1200 point hai me uska use kaha or kese kar sakta hu

    Kya wo points ko paise me convert kar sakte hai

  2. Sir ,I want to become a google local guide but i dont know how to work local guide please suggest me how to post helpful photos &videos for others

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.