eSIM-Kya-Hai-Kaise-Kaam-Karta-Hai

eSIM Kya Hai Aur Kaise Kaam Karta Hai?

Aaj Bina Sim Card ke aap apne phone ki kalpna bhi nahi kar sakte, Without SIM Card kisi phone ka use nahi kiya jaa sakta. SIM Card ka matlab hai Subscriber Identification Module. Ye ek choti si Chip hoti jo aapke phone ko Network se connect karne me madad karti hai aur user ka saara data save rakhti hai. Pichle kuch saalo me SIM Card ka size chota hota chala gaya. Micro SIM, Mini SIM, aur Nano SIM ki jagah future me eSIM card le sakti hai. Aaj ke post me hum aapko batayenge eSIM Kya hai aur kaise kaam karta hai?

IPhone XS launch hone ke baad eSIM ke baare me logon ne jaana. Ek eSIM/eUICC (embedded SIM or embedded UICC ek aisi nai vayvstha ya new technology hai, Jo aapke vartmaan sim card se replace kiya jaa sakta hai. Halanki aapke dwaara use kiye jaa rahe regular sim card ko phone se remove kiya jaa sakta hai. Lekin eSIM ko ek baar phone me lagane ke baad hataya nahi jaa sakta hai.

Ab Yanha sabse bada sawal ye aata hai ki eSIM aakhir kab tak puri trah se use me aa payega. Filhaal iske baare me abhi kuch kehna sahi nahi hoga. Lekin aaj hum janenge eSIM Kya Hai Aur Kaise Kaam Karta Hai?

Ye Bhi Padhein: Patanjali Ne Launch Kiya Swadeshi Samridhi SIM card

Kya Hai eSIM

eSIM ko embedded Subscriber Identification Module kaha jaata hai. Ye Technology software ke dwaara kaam karti hai. Issey pehle ye technology smartwatch me use ki jaa rahi thi. Lekin ab ish technology ko IPhones, Samsung Galaxy Gear S2 3G, iPad 9.7 me bhi use kiya jaa raha hai. Users ko issey ek operator se dusre operator me switch karne me bhi aasani hogi.

eSIM Ke Benefits Kya Hain?

eSIM ko samartphone me embed ki jaati hai. Thik waise hi jaise CDMA Phone hota tha. Iska matlab ye hai ki aapka sim card kabhi lost ya damage nahi ho sakta. Harek mobile me alag alag trah ke sim slots hotey hain lekin eSIM ke saath aapko ye tension nahi rahegi.

 

eSIM ka sabse bada fayda travellers ko hoga. Dusre deshon me travel karte samay standard sim card aapke number ko access karne ki permission nahi deta hai. Aise me aap phone me roaming eSIM embed kar sakte hain. Saath hi aap others operators me bhi aasani se switch kar payenge.

Smartphone Manufacturers Company SIM ka size chhota kar rahi hai jissey space ko badhaya jaa sake. Wanhi agar Sim Card Slot ko hi phone se remove kar diya jaaye to companies ish space ka use other useful components ke liye kar payengi. Wanhi jab phone me sim card slot ki jagah khali hogi to new technology ka scope adhik hoga.

Ye Bhi Padhein: Chat SIM : Unlimited Internet Access aur Messaging Karein Without Internet

Khair aane wale time me technology kis trah badlegi ishka hum wait karte hain. Post ko share kijiye jissey ye information aur bhi logon tak pahunch sake Dhanyawaad.