Delhi-Travel-Offline-App-For-Metro-and-Bus

Delhi Me Travel Karne Ke Liye Delhi Metro aur Bus Ki Offline Apps

Agar Aap Delhi Me Rehte hain Ya Delhi Darshan Karne Ke Liye Aaye hain. Apne phone 2 App install karke puri delhi aasani se travel kar sakte hain. Delhi Metro aur Bus ki Offline Apps Agar aap Delhi me Tourist hain ya yanha naye hain to aapke liye ye apps bahut Helpful honge.

Delhi Metro App

Doston Agar aap Delhi Me naye hain to Bus se travel karke kisi proper location par pahunchna bahut sar dard ka kaam ho sakta hai. Ish app ko sabse pehle to aap offline bhi use kar sakte hain.
Delhi Metro Ki Official Travel App Ko Download Karne Ke Liye Yanha Click Karein.

App Install hone Ke baad aapke saamne kuch ish Trah Ka interface Open hota hai.

Delhi-Metro-Aur-Bus-Ki-Offline-Apps

1.Ab Hum maan lete hain ki hum New Delhi Station par aur hume wanha se Shahdra Jaana hai to sabse pehle aap “Route Between Stations” par click kijiye. Click karte hi aapke saamne sabse upar “Select Start Station” aur Select End Station” Ka Space Dikhega. Ab Jaisa Ki Hum New Delhi Station Par to Start Station par likhiye “New Delhi” aur End Station Par Shahdra Likhiye. Ab Route Par Click Kar Dijiye.
Ab aapke saamne spasht rup se saari jaankari aa gai hain.

delhi metro app
Yanha appko Dono Sation ka Distance jo ki 9.3 KM hai, Uske bich ka kiraya Jo ki 16 Rupay hain, Kitna Samay lagega jo ki 16 Minute hai, Bich me stations kitne aayenge jo ki 7 hain. Aur interchange me aapko ye pata lagta hai ki Metro kitni baar change karne jaisa ki isme 1 hai likha hai. Ab sabse nice aaiye yanha aapko Metro Map ka Option Dikhega Yanha Click Karte hi aapke Journey Ki Details Metro Map Par open ho jayegi.

 

2.Ab Home Screen Par Ek Menu Aapko Dikhta hai “Station Information” Yanha Click kar Ke aap Delhi Metro Ki Kisi bhi station ki jaankari Dekh Payenge. Ab Station Ki Jankari me aapko kya dikhega ye bhi main batata hun. Aapko Jis Station Ki jaankari Chahiye uska naam wanha type kar dijiye. Jaise Ki Maine “Rajiv Chowk” type kia hai.

Yanha aapko lagbhag saari jaankari mil jaayegi lekin sabse jaruri jaankari jiski jarurat hume padti hai. “First and Last Train Timings” Yanha aapke station se First Train aur Last Train kab aur Kanha ke liye Chalti hai uski jaankari Mil jaayegi.

Platforms me aapko aapko Station ke platforms ki jaankari mil jaayegi.
Ab “Gates and Directions” Me aapko Gates no Aur uske Direction Ki jaankari mil jaayegi. Jaise Rajiv Chowk par 8 Gates hain Jo different directions Ko jaati hai.

Tourist Spots Section Me app ne wanha ke famous Jaghon ki jaankari dekh sakte hain. Saath wo spot Metro station se kitni duri par wo bhi aapko pata lag jayega.

“Parking” Section Me aapke niji wahan ko park karne ka kya charge aayega wo dekh sakte hain.
Ab aate hain “Feeder Section” me. Doston Delhi Metro Bahut saare stations par apni feeder Bus Service provide karwati hai to aap yanha ye dekh sakte hai ki Station se kis location ke liye feeder bus service available hai.

3.Nearest Metro Station par jaakar aap dekh sakte hain ki aapki location se sabse najdiki metro staion kaun sa hai. Iske liye aapke phone me internet hona jaruri hai saath ye bhi sunischit kar lein ki aapke phone ka GPS on ho.

4.Tour Guide me aapko Delhi ke pramukh Tourist Spots,Malls,Hotels aadi jaankari Mil jaayegi.

5.Aur Ek important option aapko Online Recharge ka Dikhta hai. Metro Card ko aap online bhi recharge kar sakte hain. Iski puri jaankari ke liye mera ye yanha click karein.

Accha to dekha aapne Delhi metro app ki madad se delhi me metro me travel karna kitna aasan hai. Ab baat hain dusre app ki jisme aapko Delhi Metro aur Delhi Transport ki jaankari Milegi.

Delhi Public Transport

Doston Delhi Public transport app ko Google ke dwaara banaya gaya hai. Jisme kisi bhi Loction par pahunchne ke liye aapko Metro aur Bus Service ki Details di gai hai. Ye app bhi offline work karti hai.
Google Delhi Transport Ke Official App Ko Download Karne Ke Liye Yanha Click Krein.

Delhi-Travel-Offline-App
App Open hotey hi Home screen par 3 option aapko najar aayenge.
Ab aap siddha Serch Option me jaaiye yanha “Form:” me us jagah ki location dijiye janha aap ho. Agar aapko nahi pata aap kanha ho to koi baat nahi aap apna internet active kijiye aur GPS Enabled Kijiye ye app khud aapki Location ko detect kar lega. Apne Loction Ka naam type karne ke saath hi aapko niche suggestion bhi miltey.

Aur “To:” me Janha aapko jaana hai wanha ki loction. Bus Kuch Seconds Ke baad aapke saamne results aa jaate hain. Agar aapke diye huye Route par metro available hai to ye Metro ki bhi jaankari Dega.
Ab jaise ki maine From me Shadipur Colony aur To me Shahdra Terminal diya hai.
Ab Search Results me Mujhe Karib 200 se bhi adhik Results miley.

Delhi-Travel-Offline-App-for-Metro-and-Bus
Yanha app ye bhi bata raha hai ki mere app par Metro Train ki Facility available hai to main yanha See Details Par Click Karunga. Mera Loction tha Shadipur Colony se Shahdra Terminal hai. Yanha app Estimated Time 39 minute bata raha hai.

 

According to app main shadipur colony se 100Metre North Direction Me Jaunga. Fir Shadipur se metro lunga fir Rajiv Chowk Fir Wanha Se Metro badal ke Kashmere Gate Fir Wanha se Shahdra Metro station utar kar 250 Meter West ki traf jaaunga fir Shahdra Terminal Pahunchunga.

 

Yadi Sidha Bus se jaana ho to aap pehle time dekh lein Fir search results me dekhain ki aapke time ke close kaun si bus milegi. Search Results aapko time ke hisab se milti hai. Matlab Jis time me aapne search kiya us time me sabse jaldi kaun si transport aapko milegi us hisab se ye search result arrange hoti hai.

 

To Maine Bus Select Kar liya hai yanha aapko Bus Ka Number bhi Dikh Jaata hai. Jaise Shadipu colony se 78STL Bus lunga Jo Moti Nagar Industrial Area Phunchayegi. Fir Wanha Se Bus Badal kar Bus Number 841 leni hogi Jo siddha mujhe Shahdra Terminal tak pahuncha degi.
Aap “SEE TIMETABLE” Wanha Ke Bus ki time table bhi dekh sakte hain.

delhi-bus-route

Aap Apne Search Ko Save karne ke liye search ke baad upar Star par click kar dein aapka search Save ho jaayega. Fir aapko baar baar search Karne ki jarurat nahi aap Homescreen Par Saved par click kar ke dubara se dekh paayenge.

Ab “Timetables” waale option par click kar ke aap Bus Stop Par hain ya jo near loction me hai us Bus Stop Ka Naam Type Kijiye. Wanha Loction ke saath Bus Number aapko aapko Suggestion me dikhne lagenge bus Loction waali bus number ko select kijiye. Ho gaya aap uski time time ke saath wo kis area me jaati hai dekh paayenge.

Delhi Bus Timetable

To dekha doston Ye kitna aasan hai. Agar aapko ish app se related koi bhi aur jaankari chahiye ya koi app ko operate karne me koi problem ho rahi to aap nisankoch hume comment box me likhiye. Ummid karta hun Post Delhi Metro Aur Bus Ki Offline Apps delhi me naye travelers ki kuch help jarur karegi. Dhanyawaad.

 

Leave a Comment