cancelled-train-ticket-ka-check-karein-refund-status-online

Cancelled train ticket Ka check Karein refund status Online




Kya aapko pata hai Indian Railway se karib 2.3 Crore Passenger daily journey karte hain. Jisme karib 15 lakh log rojana IRCTC (Indian Railway Catering and Tourism Corporation) se online ticket book karte hain. Kai baar humare ya aapke saath aisa hota hai ki suddenly plan me changes hone ki wajah se hum apna train ticket cancel kar dete hain. Ish post me hum aapko bateyenge Cancelled train ticket Ka check Karein refund status Online.

Jaisa ki aap jante hain ki aapke cancelled kiye huye ticket ka refund direct aapke bank account me transfer kiya jaata hai. Aapko iske liye Indian Railway ko cancellation fee bhi chukani padti hai. Normally hum jab IRCTC ki website ya kisi other app se ticket booked karte hain to iske liye hum Bank se ya kisi wallet se amount pay karte hain. Lekin agar aap ticket cancelled karte hain to cancellation fee dene ke baad bhi aapka refund aap tak bahut late pahunchta hai.

Waise IRCTC online booked Ticket ke cancellation ka refund 24 se 48 hours ke pehle dene ka waada karti hai. Par refund ko issey bhi adhik time lag jaata hai. Kai baar to 7 se 10 din ke baad refund milta hai. Aisa mere saath bhi hua hai. Aur aapke refund status ko lekar railway aapko proper na koi mail karti hai na message aise me users pareshaan ho jaate hain.

Par ab Indian Railway ne ek website launch ki hai. Janha se koi bhi passenger apna refund status real time me online check kar sakta hai. Yani ki ab aap pata kar sakte hain ki aapke refund ki status kya hai aur ye kab tak aapke bank accounts ya wallets me transfer hogi.

Cancel Train Ticket Ka Online Refund Status Kaise Check Karein?

Ab railway passengers jinhone apna ticket online booked kiya tha usko cancel kiya hai. To ab aap indian Railway ki refund site par jaana hoga. Site ka link hai. http://refunds.indianrail.gov.in/refund/refund.ref_status

Yanha aapko PNR number aur journey ki date daalni hai. Aur status par click kar dena hai. Aapke saamne refund status show ho jayega. Agar aapke paas  refund registration number hai to aap uska bhi use kar sate hain.

cancelled-train-ticket-ka-check-karein-refund-status-online




Railway Ministry ne transparency ko promote karte huye ye site launch ki hai. Ye aise logon ke liye bahut hi helpful hoga jinka refund atka pada hai. Ye website CRIS (Centre For Railway Information Syatem) ke dwaara developed ki gai hai. Janaha se aap online ticket ki booking ke Refund ke saath saath Counter Ticket ki booking ka refund status aap pata kar sakte hain.

Jaisa ki aapko pata hi hai ki Railway ke site se Online Tickets ki booking nahi hoti hai, Ye kaam IRCTC sambhalti hai. Railway ke purane system ke anusaar Refund ke liye aapko TDR (Ticket Deposit Receipts) file karna padta tha ticket counters ke liye. Ye ek maatra saadhan tha refund claim karne ka.

Agar aap IRCTC se booked ticket cancelled karte hain to aapko iske liye mail/ Text message kiya jaata hai. Jiska refund process 5 days ka hai. Agar aap refund ke baare me koi bhi jaankari chahte hain to aap railway ke Number 139 par call kar sakte hain.

Yanha main ek baat par aapka dhyan dilana chahunga. Railway ne refund ki website launch ki yanha aap refund status ke liye PNR ya Refund Registration number ka use karte hain. Par kai baar aapka transaction fail ho jata hai, Ticket to generate nahi ho pata hai par amount deduct kar liya jaata hai. Yanha kuch din pehle mere freind ke saath aisa hi hua jiski complaint maine twitter par ki.

Halanki refund to wapas aa gaya lekin agar isme transaction status ko add karke refund status ki facility di jaati to thoda aur better ho jaata. Kyunki Booking complete ho ya na ho Transaction id aapko mil jaati hai.

Ye Bhi Padhein:

IRCTC Account Ko Aadhar Se Link Kaise Karein

Delhi Police Me Online FIR Kaise Karein?

Smart Watch Se Pay Karein Delhi Metro Ka Kiraya

Delhi Metro aur Bus Ki Offline Apps :Ab Delhi NCR Me Travel Hua Aasaan

Ummid hai government aane wale time me railway se judi aur kamiyon ko durusht karegi. Aapko ye information pasand aaie to post ko share kijiye taaki dusro ki bhi help ho sake. Saath hi apne sujhaaw hume comment me de sakte hain.

Post Ko Share Kijiye
  • 10
  •  
  •  
  •  
  •  
  •  
  •  
  •  
  •  
  •  
    10
    Shares

2 comments on “Cancelled train ticket Ka check Karein refund status Online

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.