Jaisa Ki aap sabhi ko pata hai goverment ne SIM Card ko Aadhar Number se jodne ke process ki jo last date thi usko abhi taal diya hai, Lekin Aadhar Verification Process abhi bhi shuru hai. Aapke liye acchi news ye hai ki ish process ko ab thoda easy bana diya gaya hai. Ab sabhi telecom subscribers sirf ek number par call karke apne Mobile Number ko Aadhar Verify kar sakte hain, chahe wo kisi bhi network ke user hon. Y e khabar un users ko thodi rahat degi jinhone abhi tak apna number aadhar se link nahi karwaya hai. Ab Users ko apne mobile Number ko aadhar number se jodne ke liye Telecom Compniyon ke store me jaane ki jarurat nai hai. Ab Customers ghar baithe hi IVR Service ka use kar ke apne ghar se Mobile Number Ko aadhar se Jod sakte hain. To Aaj ke Post Me hum janenge ki kaise Aadhar Number Ko Mobile Se IVR Ke Jariye Link Karein.

Aadhar Number Ko Mobile Se IVR Ke Jariye Link Kaise Karein?

Agar aap ghar baithe apne Number Ko Aadhar se Verify karwana chahte hain to ye process bahut easy hai. Bus aapke paas aadhar number hona chahiye. Aapke Paas Airtel, Idea, Jio, Vodafone, ya kisi other operator ka number ho, Aapko apne mobile number se sirf Toll Free Number 14546 par call karna hai. Iske baad Reverification ke liye IVR se diye jane wale instructions ko Follow karna hai.

Aadhar Number Ko Mobile Se IVR Ke Jariye Link Karein Step By Step Instructions: 

#1.  Jab aap 14546 par call karenge, Aapse aapka Citizenship (Naagrikta) ke baare me pucha jayega. Kya aap Indian hain ya NRI. Aapko isme Right Option choose karna hai.

#2. Iske baad aapko 1 dabakar apne phone Number ko aadhar se link karne ke liye Manjuri deni hai.

#3. Ab aapko apna Aadhar Number dena hoga aur aage badhne ke liye 1 dabana hoga.

#4. Aisa karne ke baad aapke Mobile par One Time Password “OTP” aayega.

#5. Ab Aapko apna Phone Number dalna hoga.

#6. Yanha par aap Telecom Operator ko UIDI ke database se aapka Naam, Photo, Date of Birth aur Address ki details lene ke manjuri denge.

#7. Iske baad IVR se aapke Number ke Last Four Digit ko bataya jayega, Taaki  ye confirm ho sake ki aapke dwara sahi number diya gaya hai.

#8. Agar aapka Number sahi hai , To ab SMS ke jariye aaye OTP ka use karna hai.

#9. Aadhar Mobile Number Verification Process ke liye aapko 1 Press karna hai.

#10. Aur agar aapke paas koi aur bhi number hai to aap 2 Press kar ke Link kar sakte hain. Iske baad IVR ke instructions ko follow karna hoga. Ish process me apne dusre Mobile phone ko paas hi rakhein kyunki us number par bhi OTP aayega.

Aadahr aur Mobile Number ko link karne ke process ke dauran jo OTP bheja jaata hai , Wo bus 30 Minutes ke liye Valid Hota hai. Ishka matlab ye hai ki kisi wajah se aapka call drop bhi ho jaata hai , to aap dubara call karke link karne ki process ko shuru karke ishi OTP ka use kar sakte hain. Agar aap Corporate Plan ke subscriber hain to aapko apne number ko aadhar se link karne ki jarurat nahi hai. Agar aapne pehle se hi aadhar verification karwa rakha hai to aapko IVR se ye bata diya jaata hai.

Abhi tak Airtel, Idea aur Voadafone ne ish IVR service ki shuruaat kar di hai. Wnahi Jio Number par ish service ko shuru kar diya gay hai.

November Month ke last me Telecom compnies ne aadhar aur mobile number ko Online link karne ke liye website lane ki baat kahi thi. Aapko bata dein ki abhi aisi koi website nahi hai. Digital India ne apne tweet me ye bataya hai ki User MAADHAR app ke dwaara apne Mobile Number ko aadhar se link kara payenge. Ye app abhi android Play Store par availble hai.

Ye Bhi Padein.

Aadhar Virtual ID Kya Hai?

IRCTC Account Ko Aadhar Se Link Kaise Karein

Aadhar Biometric Lock Online :- Aadhar Ki Biometric Data Ko Lock/Unlock Karein

Kya Hoga Agar Internet 1 Minute Ke Liye Band Ho Jaye?

Aapko Ye post kaisa laga Hume comment me batein. Saath Aadhar Mobile Verification ko lekar aapke paas koi sawaal hai to hume comment me jarur batayein. Post Ko share klijiye taaki dusro ki bhi help ho sake Dhanaywaad!