aadhar-card-mobile-number-se-link-karein

Aadhar Card Mobile Number Se Link Karein- Simcard Deactivate Hone Se Pehle

Kuch Samay ke baad Aadhar Card ke bina Koi sim card kaam nai karega. To aap bhi Aadhar Card Mobile Number Se Link Karein- Simcard Deactivate Hone Se Pehle. Aap Sabhi Ko pata hai ki Goverment Aadhar Card Se Sabhi Yojnao Aur Services ko Jod Rahi Hai. Isi Saal February me humare supreme court ne Bharat Sarkar Ko ye aadesh diya tha ki Sabhi Mobile Numbers ko aadhar se link kiya jaye.

Supreme Court Ke aadesh ke baad Telecom Vibhag, TRAI ( Telecom Regulatory Authority Of India) samet sabhi telecom Companies ki  sajha meeting me ish varsh ke ant tak sabhi Mobile Numbers ko aadhar se jodne ka lakshya rakha hai. Saath hi New Sim Card ke apply ke liye aadhar ko jaruri kar diya gaya hai.

Ab Telecom Companies bhi ish Aadhar Card se Mobile Number ko link karne ki service suru kar chuki hai. Airtel samet desh ke vibhinn Telecom Operators apne Consumer ko messege bhej rahe hain. Jisme Saaf kaha gaya hai ki aapke Mobile Number ko Aadhar se Jaldi link karein.

Halanki Telecom Operators ke dwara ya Goverment ke dawra ye nahi bataya gaya hai ki aadhar se Mobile Numbers ko link karne ki last date kab hai ya kitne dino ke baad unka sim Card Deativate kar diya jayega. Lekin agar Telecom Operators aur Goverment dwara ye nirnay liya gaya hai. To Aadhar Card Mobile Number Se Link Karna Hoga Wo Bhi aapke Simcard Deactivate Hone Se Pehle.

Yeh Bhi Padhein

Aadhar Card Ko PAN Card Se Link Karein Using SMS

Link Aadhaar Card With Pan Card- आधार को पैन कार्ड से कैसे लिंक करें

Yeh Sunischit Kar lein ki agar aapko bhi ish trah ka message prapt ho raha hai. Message ka screenshot maine niche diya hua hai.  To aap isko tale nahi balki waqt rehte Aadhar Card Mobile Number Se Link Karein.

aadhar-card-mobile-number-se-link-karein

Sarkar ne Telecom Operators ko  Aadhar Card Mobile Number Se Link Karne ka last date 6 February 2018 tak ka diya hai. Waise Companies ke dwara ye spasht nahi kiya gaya hai ki  aise numbers jo aadhar se nahi jude hain wo chalu hi rahenge athwa band kar diye jayenge. Lekin waqt rehte karwa lena sahi hoga.

Aadhar Card Mobile Number Se Link Karne Ke Liye Kya Karein?

Aap Jis Telecom Opreator ka sim card use kar rahe hain uske najdiki store par jaayein. Aapna Aadhar Card Lekar.

Wanha Jo staff available usey apna aadhar Number Sim Card se jodne ke liye kahein. Wah aapka Aadhar card lega aur aapke aur aapke Mobile Number par ek OTP (One Time Password ) Send Karega.

Iske Baad aadhar Link ke liye aapka Fingerprint Scan karke uska verification Hoga.

In sabhi Process ko karne ke baad 24 Hours ke andar aapke Mobile par last Verification ka messegae aayega Jiske answer aapko ‘YES’ me dena hai.

Bus Ho gaya Aadhar Card Mobile Number Se Link.

Sabhi Mobile Number Ko aadhar Se Link karne ki process shuru hai. Companies ke dwara apne coustmers ko lagataar messege karke inform bhi kiya jaa raha hai.

Mera Experience- Abhi Kuch Time Pehele hi maine apne Haryana Airtel ke sim ko Delhi Vodafone me port karwaya hai. Jisme unhone Mujhse Aadhar Copy aur Photo Li thi. To mere ab port huye Vodafone ke number Aadhar Card Mobile Number Se Link karwane ka koi messege nahi aaya hai.

Waise Main Ek aur Airtel ka number use kar raha hun jo ki karib 4 Years purana hai. Uspar Airtel ke dwara mujhe kai baar Text Messages bheje gaye hain. Mera Ye Bhi Number Haryana Ka hai. To Isey main apne Home Town ke address par kisi other compny port karwa lunga.

Agar aapke paas bhi koi Old Sim Jisko aadhar se link karwana hai aur agar uski services acchi nahi hai ya Roaming me hai to aap usey port karwa lein. Bus apne aadhar ki copy aur photos lekar jayein.

Porting ke charge pay karein. Documents Submit karein Bus ho gaya. Aapka Number other company me port ho jayega aur Aadhar se link bhi ho jayega.

Aisa aap tab karein jab aap kisi other operator me switch karna chahte ho. Agar aap apne current operator se satisfied to upar jo process diya hua hai wo aapko karna hoga.

Android Phone Ki IMSI Aur IMEI Numer Kaise Janein

Supreme Court ka ye faisla bahut hi accha hai. Aap jante hi hain ki desh me na jane kitne Fake Sim Cards use ho rahe hain. Wo sabhi sim cards band ho jayenge. Kyunki Sabhi Numbers ko aadhar se link karne ke baad ho sakta hai  aise numbers band kar diye jayein.

Agar Aisa hota hai to apne desh se Fake Sim nikalwane ka prachalan hi khtam ho jayega. Aur Kuch had tak phone pe hone wale ya social media par hone crimes bhi ruk jayenge. Kyunki aaj sabhi social media sites OTP ke dawara hi phone number verified karti hain.

Aapne abhi tak Aadhar Card Mobile Number Se Link kiya ya nahi hume comment me batayein. Saath hi ish post ko share kijiye. Taaki aur logon tak bhi ye post se help mil sakein. Post ko share karke aap unki help kar sakte hain.

 

 

 

8 thoughts on “Aadhar Card Mobile Number Se Link Karein- Simcard Deactivate Hone Se Pehle

Leave a Comment