Aadhar Biometric Lock Online :- Aadhar Ki Biometric Data Ko Lock/Unlock Karein

Aadhar aaj aapke Pehchan ki sabse Jaruri Document hai. Jiska use Government se lekar Private Companies bhi karti hain. Aapke paas bhi aadhar card jarur hoga. Kya aapko pata hai ki aapke aadhar ke Biometric Data ka use galat rup se kia jaa sakta hai. To Janiye kaise Aadhar Biometric Lock Online karenge.

Aadhar Biometric Data Kya hai?

Aaiye Sabse Pehle Ye jaan lete hain Ki Aadhar ka Biometric Data Kya hai?  Aapne Jab aadhar card banwaya hoga to aapki sabhi details ke saath aapke Finger Prints aur aur Retina Scan ka data aadhar center par liya jaata hai. Ye data hi aadhar ka biometric data hai. Yani ki aapki pehchan bhavisay me kabhi bhi aapke Fingerprint aur Retina ke scan se ki jaa sakegi.

Kyu Jaruri hai Aadhar Biometric Ko Lock Karna?

Aadhar biometric ko Lock karna aaj bahut jaruri hai. Hum jante hain ki aapke aadhar ki sabhi jankari Government ke paas hoti hai. Sarkar ye daawa bhi karti hai ki aapki sabhi details unke paas safe hai. Lekin hum ye daawe ke saath nai keh sakte ki ab aapki sabhi details safe hain. Kyunki isme private companies aur agencies bhi involve ho gai hain.

Jaisa ki hum dekh rahe hain ab kisi Android app/Website par aapki identity verification ke liye wo aapse aapka aadhar details mangti hain. Jaise Paytm, Ola money ya fir aapko kisi bank me Account open karna ho, New sim card lena ho aisi kai jaghon par aapse aadhar number liya jaata hai jiska verification OTP (One Time Password) ya Fir aapke Biometric identity ke dwaara verify karti hai. Isme mostly aapke Fingerprint ka ya Retina ka scan liya jaata hai.

Aapke aadhar me aapki sabhi details hain. Aapke aadhar ko mobile number se joda jaa raha hai, Aapke PAN Card ko aadhar card se add kiya jaa raha hai, Aapke bank Account ko aadhar se joda gaya aur bhi bahut si services ko aadahar se jod diya gaya hai. Aise me ab aapki aadhar ki information ka leak hona aapke liye khatrnaak saabit ho sakta hai.

Paytm Payment Bank Kya Hai – Zero Balance Se Account Open Karein

 

Link Aadhaar Card With Pan Card- आधार को पैन कार्ड से कैसे लिंक करें

 

Aadhar Card Mobile Number Se Link Karein- Simcard Deactivate Hone Se Pehle

 

Aur Private Companies aur agencies ke involve hone ke baad ish baad ki koi guarantee nai hai. Kyunki Hume nai pata hota janha hum apni aadhar ki details ko de rahe hain wo humare data ko kitna safe aur secure kar ke rakhegi. To aaiye Dekhte hain hum apne aadhar Biometric Lock Online kaise karenge.

Aadhar Biometric Lock Online Kaise Karein?

Aadhar Biometric ko loc karna bahut aasan hai. Aap Isey Eaisly Kuch Steps ko Follow karke lock kar sakte hain taki koi iska misuse na kar sake aur aapka biometric data safe and Secure rahe.

#1. Sabse Pehle UIDAI ki Official Website ko open kar lein. Click Karein. Aapke samne kuch ish trah ka webpage open hota hai.

Aadhar-Biometric-Lock

#2. Ab Login Section me apna 12 Digit ka aadhar Number Enter kar dein.

#3. Ab Captcha Code enter kar ke Send OTP par click kar dein. Aapke Registered Mobile Number  par ek OTP number bhej di jayegi.

#4. Ab OTP ko enter kar ke Verify kar dein.

#5. Ab Enable Biometric Locking par check kar dein. Aur Biometric Locking ko enable kar dein.

Bus aapka Aadhar Biometric Online Lock ho gaya hai. Aapko Ye bata dein ki Aadhar biometric ko lock kiye jane ke baad aap kisi bhi transaction ya authentication ke liye Thumb aur Retina scan ka use nai kar payenge. Ye service khtam kar di jayegi. Aap bus OTP (One Time Verification) code ke dwaara hi koi verification/Authentication ko access kar paynge.

Aadhar Biometric ko Unlock Karein

Aadhar Biometric ko Unlock karnae liye aapko Sabhi Process fir se karne honge. Aur Enable Biometric Locking  ko uncheck kar ke Disable par click kar dein. Aapka Aadhar Biometric disable ho jayega. Aur aap dubara se Thumb ya Retina Scan ke dwaara verification ko kar payenge.

Times Of India ke publish ek article me Aadhar Data se 130 Million bank account details ko Goverment ki site se leak kar diya gaya hai. Goverment janha Digital India aur Cashless india ko badhawa de rahi hai. Aise me aadhar ki details ko safe secure rakhna ek bahut badi chunauti hai. Kyunki Aadhar me ab humari identity hi nai isme humari personal Details aur Personal transaction ki bhi jaankari jud gai hain.

Ummid hai Goverment aane wale time me aadhar ko aur bhi Secure karegi.

Aapko Post kaisa laga Hume comment me batayein. Agar aapko Aadhar Biometric Lock ko online Enable ya disable karne me koi pareshani aa rahi hai to hume jarur batayein. Post ko share kijiye taaki dusron ki bhi help ho sake.

 

 

 

5 Comments

Add a Comment

Your email address will not be published. Required fields are marked *